Rəsmi qəzetlər dövlət başçısı İlham Əliyevin Fövqəladə Hallar Nazirliyi binasının açılışında iştirakını ilk səhifələrə çıxarıblar.
“Azadlıq” qəzeti hüquq-mühafizə orqanlarının siyasi rəhbərliyi xəbərdar etmədən əməliyyat aparmaq hüququnun bərpasını “rəsmi Ankaraya sarsıdıcı zərbə” sayaraq manjetə çıxarıb. Qəzetdə korrupsiya ittihamı ilə istintaqa çağırılan baş nazir Ərdoğanın oğlunun Bakıya qaçdığı iddiası yer alıb.
Ölkənin müxalifət qüvvələri rəsmi Bakı 2014-cü ildə demokratik islahatlara başlamadığı halda 2015-ci ildə keçirilməsi gözlənilən I Avropa Olimpiya Oyunlarının boykot edilməsi kampaniyasına başlamağı nəzərdə tutur.
Məmurların sosial haqsızlığına cavab olaraq Qarabağ qazisi Zaur Həsənovun özünü yandırmasından sonra maliyyə kompensasiyaları ilə təmin olunmasına qəzet “yanğın və ədalətsizliyin pulla söndürülməsi” şərhini verir.
Vergi etik davranış kodeksini pozduqlarına görə Vergilər Nazilriyinin 17 əməkdaşı tutduğu vəzifədən xaric edilib, 22 əməkdaşına isə şiddətli töhmət verilib.
“Ekspress” iqtidar təmsilçisi olan deputatların belə özəl bağçalara qəbul qiymətlərinə “elə qiymət qoyublar ki, ailənin bütün üzvləri işləsə belə uşağı bağçaya qoymaq üçün yetərli olmaz” etirazı etmələrini nəzərə çatdırır.
“Novoe Vremya” rəsmi Bakının Transanadolu qaz kəmərilə nəql ediləcək qaz ehtiyatları haqda açıqlamalarını əsassız sayaraq “qaz yerinə şişirdilmiş rəqəmlər” şərhini verir.
“Bizim yol” məmur özbaşınalığına etiraz olaraq Qarabağ qazisi Zaur Həsənovun özünü yandırmasından sonra rəsmi qurumların onun problemlərinin həllilə bağlı hərəkətə keçməsini “dövləti hərəkətə gətirən intihar” adlandırır.
Qəzet rəsmi mənbələrə istinadən bu ilin 11 ayı ərzində 2646 yol qəzası baş verdiyini, bu qəzalarda 1061 nəfərin həlak olduğunu, 2761 nəfərin xəsarət aldığını, təkcə avtobuslaırn törətdiyi yol qəzalarında 52 nəfər ölüb, 116 nəfər xəasarət aldığını nəzərə çatdırır.
“Yeni Müsavat” Qarabağ qazisi Zaur Həsənovun məmur özbaşınalığına etiraz olaraq özünü yandırmasına cəmiyyətin təpkisini ilk səhifəyə çəkərək bu təpkinin rəsmi Bakını yanan qaziyə qayğı göstərməyə məcbur etdiyini bildirir.
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz