29 dekabr 2013-cü ildə Bakı Fond Birjasında Azərbaycan İpoteka Fondunun (AİF) 5 mln manat həcmində faizli sənədsiz, təminatsız, adlı istiqrazlarının yerləşdirilməsi başlayacaq.
AİF-in məlumatına görə, istiqraz satışı açıq abunə yolu ilə olacaq. On illik kağızlar satışa 100,6333 % qiymətlə qoyulacaq. Tələb təklifdən çox olsa, bütün sifarişlər proporsional qaydada təmin ediləcək. İstiqrazların yerləşdirilməsinin ilkin təşkilatçısı kimi AMB çıxış edəcək. Fond bu qurumun nəzdində fəaliyyət göstərir.
Fondun 20 mln manatlıq adlı istiqrazlarının emissiya prospekti Qiymətli Kağızlar üzrə Dövlət Komitəsi tərəfindən 2013-cü ilin sentyabrında qeydiyyata alınıb. İstiqrazların nominal qiyməti 1 000 manat, faiz dərəcəsi illik 3%, silinmə tarixi 23 avqust 2023-cü ildir. Bu günə emissiyanın dörddə üçü yerləşdirilib. 2009-2012-cu illərdə Fond 55 mln, 75 mln və 60 mln, 20 mln, 30 mln və 40 mln manatlıq emissiyalar yerləşdirib. --15D—
İqtisadiyyat
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
-
Bakı Metropoliteninin rəhbərliyi tez-tez yeni metro xətləri və stansiyaları ilə bağlı layihələr elan edir, lakin rəsmi məlumatlarda bir kilometr xətlərin çəkilməsi və ya konkret metro stansiyalarının tikintisinin dəyəri haqqında heç bir məlumat verilmir. Jurnalistlər bəzi məlumatları qeyri-rəsmi mənbələrdən əldə edirlər ki, bu da belə məlumatların etibarlılığına şübhə yaradır. Məsələn, 2021-ci ildə hökumətin qeyri-rəsmi mənbəsi tərəfindən Bənövşəyi xətt üzrə bir stansiyanın tikintisinin planlaşdırılmış işlərinin dəyərinin 60 milyon manat olduğu bildirilmişdi. Bu məbləğə isə daxili işləmə işləri, rabitə xətləri, elektronika, eskalator və liftlərin quraşdırılması daxil deyildi.
-
Azərbaycan Milli Məclisi (Parlament) bazar ertəsi 2025-ci il üçün dövlət büdcəsi layihəsini müzakirə etməyə başlayıb. Layihədə xərclər 41,368 milyard manat səviyyəsində proqnozlaşdırılır.
-
Azərbaycanın heyvandarlıq sektoru yerli istehsalda cüzi artım nümayiş etdirib, lakin ətin və süd məhsullarının idxalının kəskin artması ilə bağlı ciddi problemlərlə üzləşir. Dövlət Statistika Komitəsinin son məlumatları bu paradoksu əks etdirərək, yerli istehsalın artdığını, lakin idxalın daha sürətlə böyüdüyünü və davamlı qiymət artımları ilə müşayiət olunduğunu göstərir.
Rəy yaz