Mətbuat-Monitorinq 29.09.12
Bugünki ölkə qəzetlərinin aparıcı mövzusu qalmaqallı rüşvət olayı ilə bağlı deputat Gülər Əhmədovanın mandatdan məhrum olunması, ildırım vurması ilə ölkənin elektrik sektorunda enerji verilməsində yaran fasilədir.
Rəsmi qəzetlər dövlət başçısı İlham Əliyevin Cəlilabad rayonunun sosial-iqtisadi inkişafı üçün 2 milyon manat ayrılması haqda sərəncamının mətnini dərc ediblər.
“Azadlıq” qəzeti rüşvət qalmaqalı ilə bağlı deputat Gülər Əhmədovanın deputat mandatından “könüllü” imtina etməsini seçki sistemini nəzarətində saxlayan PA-nın rəhbəri Ramiz Mehdiyevi də bitirə biləcəyini yazır.
Qəzetin yazdığına görə, bu qalmaqalla bağlı Avropa Parlamentinin bir neçə üzvü parlament rəhbərliyinə sorğu göndərib.
Deputat G.Əhmədova ilə bağlı rüşvət olayına şərh verən politoloq Zərdüşt Əlizadəyə görə, “G.Əhmədova PR-nın rəhbəri Ramiz Mehdiyevi vurmaq üçün ifşa edilib”.
Qəzet qeyd edir ki, Xüsusi Dövlət Mühafizə Xidmətinin həbsdə olan zabiti Asif Lətifov xidmət etdiyi qurumu tənqid etməyinin həbsinə səbəb olduğuna görə özünü vicdan məhbusu saydığını bildirir.
Qəzetə şərh verən ekspertlər Qarabağ münaqişəsinin tənzimlənməsilə bağlı danışıqların olmaması açıqlamasını “İlham Əliyevin ifşası” adlandırıblar.
Qəzet Mingəçevir SES-i ildırım vurması ilə ölkənin elektrik enerjisindən məhrum olmasını “ölkənin bir ildırıma təslim olması” kimi dəyərləndirir.
“Zerkalo” qəzeti “bir ildırım zərbəsi və ölkənin yarısı qaranlıqda” deyə sentyabrın 28-də ölkədə baş verən hadisəni nəzərə çatdıraraq, “elektrik şəbəkəsinin bu vəziyyəti nə ilə izah edilir?” sualını gündəmə gətirir.
Qalmaqallı rüşvət olayı ilə bağlı deputat Gülər Əhmədovanın deputat mandatından məhrum olunmasına toxunan qəzet “qarşıdakı seçki yarışı daha hansı sürprizlər hazırlayır?” sualı ilə yeni belə olayların açılacağına işarə edir.
Kürd və erməni separatçılarının birgə mübarizə aparmaq haqda qərar verdiklərini yazan qəzet onların “yüz il əvvəlki kimi Azərbaycan torpaqlarına iddia etdiklərinə” diqqət çəkir.
“Ekspress” qəzeti Mingəçevir İES-ə ildırım düşməsilə ölkədə elektrik enerjisi sahəsində yaranan fasiləni “İldırımın “Azərbaycan”ı vurması” adlandırır.
“Exo” qəzeti 2007-ci il ilə müqayisədə yaşayış evləri tikintisi sürətinin 4 dəfə azaldığını, əksinə, qeyri-yaşayış sahələri tikintisinin artdığını yazır.
“Novoe Vremya” qəzeti külli miqdar rüşvət qalmaqalı ilə bağlı təkcə deputat Gülər Əhmədovanın cəzalandırılmasını yetərli saymayaraq, siyasi sistemi dəyişməyin vacibliyini ““sıravi”ləri cəzalandırmaq gecdir” mövqeyi ilə izah edir.
“Bizim yol” qəzeti qalmaqallı rüşvət olayı ilə bağlı deputat Gülər Əhmədovanın deputat mandatından məhrum edilməsini “Gülər Əhmədovanın qələminin qırılması” kimi dəyərləndirir.
Qəzet məlum olayla əlaqədar deputat G.Əhmədovanın insult keçirməsilə bağlı yayılan xəbərlərin yalan çıxdığını bəyan edir.
Qəzet dünən ildırım vurması nəticəsində ölkənin elektrik sektorunun iflic hala düşməsini “korrupsiyanın ölkəni xaosa aparması” adlandırır.
“Yeni Müsavat” qəzeti qalmaqallı rüşvət olayı ilə bağlı deputat Gülər Əhmədovanın YAP üzvlüyündən xaric edilməsini, barəsində cinayət işi başlamasını, deputat mandatından məhrum olunmasını “YAP-çı deputatın qələminin qırılması” adlandırır.
Qəzetin yazdığına görə, G.Əhmədovanı rüşvətdə ifşa edən Beynəlxalq Azərbaycan Universitetinin rektoru Elşad Abdullayev bu şəxslə sövdələşmələrinə dair Bakıya yeni videogörüntülər göndərdiyini açıqlayıb.
“İstiqlalçı Deputatlar Məclisi” təsis edildiyini yazan qəzet müstəqillik aktına imza atan deputatların 18 oktyabrın Dövlət Müstəqilliyi günü kimi qeyd olunmasının bərpasını tələb etdiklərini bildirir.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz