Mətbuat-Monitorinq 29.11.14

Rəsmi qəzetlər dövlət başçısı İlham Əliyevin Avropa komissiyasının vitse-prezidentinin başçıllıq etdiyi nümayəndə heyətini qəbul etməsi, “Possiya-24”  telekanalına müsahibə verməsi haqda xəbərləri ilk səhifələrə yerləşdiriblər.

Bundan əlavə, bu qəzetlərdə “Hərbi qulluqçuların statusu haqqında” qanunun tətbiqilə bağlı verdiyi fərmanın mətni ilk səhifələrdə yer alıb.

“Azadlıq” qəzeti Milli Məclisdə bəzi deputatların Avropa Parlamentinin ünvanına olan tənqidlərini “Milli Məclisdə Avropaya hücum” başlığı ilə manjetə çıxarıb.

Həbsdə olan hüquq müdafiəçisi Leyla Yunusun vəkilləri onun müayinədən keçməsilə bağlı Penitensiar Xidmətə müraciət ünvanlayıblar.

Narkotik maddə ittihamı ilə şərlənərək həbs edilən AXCP fəalı Murad Ədilovun barəsində ekspertiza onun narkotikdəna asılılığının olmamasına dair rəy verib.

Vəkil Fəxrəddin Mehdiyev həbsdə olan hüquq müdafiəçsisi İntiqam Əliyevin işilə bağlı hər hansı istintaq hərəkətinin aparlmadığı barədə açıqlama verib.

Vəkil Xalid Bağırova görə, həmkarı Elçin Namazovun bir restoranın əxlaqsızlıq yuvası olması barədə şikayətinə görə maraqlı tərəflər onu inzibati cəzaya məruz qoyublar.

Eks-deputat Gültəkin Hacıbəyli mövcud iqtidarın repressiya üzərində durmasını hakimiyyəti qorumağı bundan başqa yol bilməməsilə əlaqələndirb.

Ölkə vətəndaşlarının 2 milyon 200 min nəfərinin banklara borclu olduğunu deyən ekspertlər bu haqda rəsmi Bakının ölkədə yoxsulluq həddinin 5% olması iddiasını məntiqsiz adlandırıblar.

“Ekspress” Qafqaz Müsəlmanları İdarəsinin sədri  Allahşükür Paşazadnin İranın dini lideri Xamneyilə Azərbaycan dilində danışması haqda açıqlamasını ilk səhifəyə çıxarıb.

“Novoe Vremya”  Transxəzər qaz kəmərinin çəkilişinin sual altına düşməsi və rəsmi Bakının iddialarına baxamayaraq, dövlət büdcəsinin sosialyönlü olmaması haqda iddialarını ilk səhifəyə çəkib.

“Bizim yol”  Azərbaycan neftinin bir gündə 7 dollar ucuzlaşmasını diqqət mərkəzinə çəkib.

Vətəndaşın külli miqdarda vəsaitin mənimsəməsinə görə Oğuz rayonunun keçmiş polis rəisi İmaməddin Abbasov həbsə alınıb və DİN faktı təsdiqləyib.

Qəzet Ucar rayon sakini Səbuhi Quliyevi rayon polis şöbəsinin rəis müavini Səbuhi İsmayılovun qanunsuz saxlaması, işgəncə verməsi, buraxılması üçün xanımına əxlaqsız təklif etməsi və 500 manat rüşvət istəməsi haqda yazır.   

“Yeni Müsavat”  Milli Məclisdə Avropa Parlamentinin ünvanına tənqidləri “Avropaya savaş açılması” sayaraq ilk səhifəyə çıxarıb.

Qəzet bir qrup şəhid ailəsinin sığorta vəsaitlərinin ödənilməsi tələbilə parlamentin önündə etiraz aksiyası keçirdiyini nəzərə çatdırır.