Vaqif Mursaqulovun sədrliyi ilə Bakı Apellyasiya Məhkəməsi jurnalist Rauf Mirqədirovun həbs müddətinin 5 ay uzadılmasından verdiyi şikayəti təmin etməyib.
Bu zaman məhkəmə müdafiə tərəfin bütün vəsatətlərini rədd edib. Vəkil Elmar Süleymanovun Turan-a verdiyi məlumata görə, müdafiə tərəfi noyabrın 20-də jurnalistin həbs müddəti uzadılarkən təyin edilmiş vəkil Sabir Qədirovun məhkəməyə çağırılması haqqında vəsatət qaldırıb. Jurnalistin bu vəkildən imtina etməsinə və hakim Elman İsayevə etiraz etməsinə baxmayaraq, bu, protokolda əksini tapmayıb. Əksinə, heç bir etiraz olmadığı qeyd edilib.
Daha sonra vəkillər Elmar Süleymanov və Fuad Ağayev MTN istintaq təcridxanasından noyabrın 20-də, jurnalistin də orada olduğu bir vaxtda onların istintaq təcridxanasında olduğunu təsdiq edən qeydiyyat kitabının istənilməsi haqqında vəsatət qaldırıblar.
Bu zaman müstəntiq Ləmbəranski jurnalistə yalan söyləyərək, vəkillərə zəng etdiyini, amma onların cavab vermədiyini bildirib.
Məhkəmə həmçinin vəkillərin istintaq təcridxanasında olduğu vaxtı müəyyən etmək üçün videomüşahidə kameralarından onların təcridanaya giriş-çıxışı haqqında kadrların tələb edilməsi haqqında vəsatətini təmin etməyib.
Müdafiə tərəfi hesab edir ki, Mirqədirovun həbs müddətinin uzadılması haqqında təqdimat onların MTN və Baş Prokurorluğa ayın 19-da həbs müddətinin bitməsi haqqında teleqram göndərməsindən sonra geri tarixlə tərtib edilib.
Bununla əlaqədar olaraq, müdafiə tərəfi Baş Prokurorluqdan bu idarədən noyabrın 17-19-u tarixlərində gedən məktubların tarixi haqqında məlumatlar istənilməsi barədə vəsatət verib.
Müdafiə tərəfi həmçinin məhkəmədən mobil rabitə operatorlarından Ləmbəranskinin həqiqətən onlara zəng edib-etmədiyi haqqında məlumat istənilməsini xahiş edib.
Vəkillər ümumiyyətlə həbs müddətinin uzadılmasının qanunsuz hesab edilməsini xahiş ediblər. “Olmayan bir şeyi necə uzatmaq olar?”, deyə vəkil Fuad Ağayev bildirib.
Bütün vəsatətləri rədd edən hakim bütünlükdə şikayəti də təmin etməyib və jurnalisti həbsdə saxlayıb.
Xatırladaq ki, Mirqədirov guya hüquq müdafiəçisi Leyla Yunusun tapşırığı ilə Ermənistanın xeyrinə casusluqda ittiham olunur.
Mirqədirov və Yunus özü uzunmüddətli həbs cəzasına məhkum edilə bilər. -06D-
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz