Rəsmi qəzetlər dövlət başçısı İlham Əliyevin və ailə üzvlərinin Bakı Konqres Mərkəzinin açılışında iştirakı haqda xəbərləri ilk səhifələrə yerləşdiriblər.
“Azərbaycan” qəzeti yenə də ABŞ-ı hədəf seçərək bu dövləti antiazərbaycançı kampaniya aparmaqda, “insan hüquqları və demokratiya”nı siyasi avantüra vasitəsinə çevirməkdə ittiham edir.
“Azadlıq” PA beynəlxalq şöbəsinin müdiri Novruz Məmmədovun III Bakı Qlobal Forumunda səsləndirdiyi “bizə elə kütləvi hücum başlayıb ki, bunu təsəvvür edə bilmirik” bəyanatını önə çəkərək bunu “Əliyev hakimiyyətinin çarpaz atəş altında olması” kimi dəyərləndirir.
APA, Trend və s. kimi İnternet saytlarda Ağ Evin Azərbaycanda çevriliş etmək istəməsi haqda yayılan məqaləni ABŞ-ın Azərbaycandakı səfirliyi “Amerikaya qarşı əsassız və dəyərsiz iddialar” kimi qiymətləndirib.
Uzun müddət siyasi kuluarlarda belə görünməyən PA-nın rəhbəri Ramiz Mehdiyevin AMEA-da toplantıya qatılmasını qəzet “AMEA uğrunda savaşda Paşayevlərə məğlub olmaq istəməməsi” hesab edir.
Qəzet rəsmi “Azərbaycan” qəzetinin onu səhifələrində ermənipərəstlikdə, yalan yazmaqda ittiham etməsinə “Azadlıq” yalanı kəsən balta, “Azərbaycan isə həqiqəti kəsmək istəyən küt bıçaqdır” cavabını verib.
“Freedom House” təşkilatı aprelin 28-də açıqladığı hesabatında Azərbaycanda KİV-lərin azad olmadığını bildirir.
Almaniyanın “Die Zelt” qəzeti rəsmi Bakının siyasi repressiyaları ilə bağlı Avropa Oyunlarına qatılmaq istəyən idmançılara “özünə hörmət edən avropalılar bu turnirdə iştirakdan çəkinməlidir” çağırışını edib.
Qəzet ölkədəki iqtisadi durumu təhlil edən ekspertlərin xalq etiraz etmədiyi halda durumun daha da ağırlaşacağı proqnozuna cavab olaraq əhalini Milli Şuranın mayın 3-də keçirəcəyi “Talana son!” aksiyasına səsləyir.
“Ekspress” III Bakı Qlobal Forumundakı çıxışında PA-nın şöbə müdiri Novruz Məmmədovun “Qərbə inamımız tükənir” bəyanatını diqqət mərkəzinə çəkib.
İqtidar təmsilçiləri ilə görüşə qatılan müxalifət nümayəndələri prosesdən kənarda qalanların onları hökumətlə “mandat alveri”ində ittiham etmələrinə “əsassız və uydurma” cavabını veriblər.
“Exo” ekspertlərə isnadən bu il yay mövsümündə məhsulun az olacağı ilə bağlı ölkədə aqrar məhsulların qiymətlərinin 30-40% bahalaşacağı, meyvə və tərəvəz ixracının azalacağını bildirir.
“Novoe Vremya” III Bakı Qlobal Forumunda PA əməkdaşı Novruz Məmmədovun “Qərb sanki Azərbaycanı Liviya və ya Suriyaya çevirməyə cəhd edir” bəyanatını ilk səhifədə verib.
Korrupsiyaya qarşı səmərəli mübarizə üçün “Korrupsiya faktlarını ifşa edənlərin qorunması haqda” layihənin müzakirəsinə qəzet “qanun kömək edə biləcəkmi?” mövqeyi sərgiləyir.
“Bizim yol”. Devalvasiyadan ehtiyatlanan İpoteka Fondu büdcə və əhalidən daxil olan maliyyə vəsaitlərini banklara vermir.
“Yeni Müsavat” RF prezidenti Putinin “Avrasiya İttifaqı” layihəsilə bağlı Kremldən Azərbaycana və “yaxın xaric”ə yeni təhdidlər gəlməsini yazaraq bunu “qorxunc hədə” adlandıraraq önə çəkir.
Qəzet 6 il öncə Neft Akademiyasında baş vermiş terror aktı ilə ilə bağlı tələbələrin anım ziyarətləri təşkil edəcəklərini nəzərə çatdırır.
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz