Gömrük bəyannamələrində şampunlar pərakəndə ticarətdəkindən 7 dəfə ucuz sənədləşdirilir

Ötən il Azərbaycana $14,6 mln məbləğində saça qulluq vasitələri idxal edilib. Bu, bir il əvvəlkindən 9% azdır. Məhsulun bir flakonu gömrükdə pərakəndə ticarətdəkindən 7 dəfə ucuz sənədləşdirilir.

Gömrük Komitəsinin məlumatına görə, ötən il Azərbaycana 7 808 ton şampun və saça qulluq vasitəsi (balzam/kondisioner, losyon, lak və s) tədarük edilib. Bu, bir il əvvəlkindən 15,2% çoxdur.

Rəsmi statistikaya görə, 1 litr saça qulluq vasitəsi 2014-cü ildə $1,87-a bəyan edilib. 2013-2012-ci illərdə bu göstərici $2,36 və $2,33 olub. Pərakəndə satışda 0,2 litr şampun 2014-cü ildə $2-a olub. Devalvasiyadan sonra qiymət dəyişməyib.

DGK qəsdən rəsmi vergi və rüsum yığımını az göstərmək üçün bir sıra istehlak mallarının, o cümlədən saça qulluq vasitələrinin qiymətini endirir. Məsələn, DGK-nın məlumatına görə, 2014-cü ildə Belarusdan $13 min məbləğində 18,1 ton bu məhsuldan gətirilib. Belarus Milli Statistika Komitəsi bu həcmi təsdiq edir, amma bu ölkədə malın qiyməti $24,3 min baha olub.  

Əhalisi iki dəfə az olan Gürcüstana 2013-cü ildə $29 mln 127,8 min məbləğində məbləğində şampun və saça qulluq vasitəsi idxal edilib. İdxal 7,8% (Gürcüstan Milli Statistika Xidmətinin məlumatı) artıb. İdxal həcmi Azərbaycandakından iki dəfə çoxdur.

Xatırladaq ki, şampun və saça qulluq vasitəsi istehlakı üzrə ekspert rəyi müxtəlif ölkələrdə həyat və gəlir səviyyəsindən asılı olaraq 1 nəfər ildə 2-5 litrdir. Azərbaycanda saça qulluq vasitələri istehlakının minimal həcmi müəyyən edilməyib. Mütəxəssislərə görə, Azərbaycanda bir ildə bu maldan 19 min ton istifadə edilir. Gömrükdə bu həcmin üçdə biri qeydə alınır. Şampun və başqa saça qulluq vasitələri bazarının həcmi $80 mln-dan az deyil. Bu həcmin 80%-i vergidən gizlədilir.

Azərbaycana şampun Türkiyə – 1565 ton ($972,3 min), RF – 1545,6 ton ($948 min), Rumıniya 1453 ton ($4,6 mln) və Ukraynadan – 193 ton ($121,3 min) idxal edilir. İdxalçılar İsveçrə, Fransa, Polşa, Almaniya, İsrail, Çin və başqa ölkələrdən də mal gətirir. 08B