Mətbuat-Monitorinq 30.09.15

Rəsmi qəzetlər dövlət başçısı İlham Əliyevin qəbulları haqda xəbərləri, bəzi sərəncamların mətnlərini ilk səhifələrdə yerləşdiriblər.

“Azadlıq” qəzeti iqtidarın hədəfinə gələn məmur və iş adamlarının düşdükləri duruma etirazlarını “iqtidar daxilində narazılar ordusu” iddiası kimi ilk səhifəyə çıxarıb.

ABŞ prezidenti Obama avtoritar rejimlərin həbslərinə “opponentləri məhbus edə bilərsiz, amma ideyaları yox, informasiyaya girişə nəzarəti artıra bilərsiz, amma yalanı həqiqətə çevirə bilməzsiniz” bəyanatı ilə cavab verib.

Qəzetin iddiasına görə, İlham Əliyev gözlənilməz situasiyaya düşə biləcəyi üçün Moskva və Nyu-Yorka səfərdən imtina edib, bu baxımdan Türkiyədə keçiriləcək “G-20”də iştirak etməyəcəyi də gözləniləndir.

ATƏT-in media azadlığı üzrə xüsusi nümayəndəsi Dünya Miyatoviç rəsmi Bakıya jurnalistləri azad etmək çağırışını səsləndiurib.

Jurnalistlər Xədicə İsmayıl və Seymur Həzinin apellyasiya mərhələsində şikayətlərinə baxılsa da hakimlər vəsatətləri rədd edərək ilkin instansiya məhkəməsinin qərarlarını qüvvədə saxlayıblar.

Ekspertlər hökumətin aqrar siyasətinin iflasa uğradığını deyərək ölkənin ərzaq, aqrar məhsullara tələbatının idxaldan asılı durumda olduğunu bəyan edirlər.

Almaniyanın “Bayer Pharma AG” şirkətinin Azərbaycan nümayəndəliyi İlham Əliyevin əmisioğlu İlqar Əliyevin sahibi olduğu “Riyad Farm”ı borc və cərimə faizlərini ödəməsi üçün Bakı 2 saylı İnzibati-İqtisad Məhkəməsinə verib.

“Ekspress” rəsmi Tehranın Minadakı izdihamda həlak olanların sayının heç də 1000 nəfər yox, 4700 nəfər olmasına dair açıqlamasını diqqət mərkəzinə çəkib.

Son 5 ildə ölkəyə heyvan idxalının 20 dəfədən çox artdığını bildirən ekspertlər yeyinti məhsulları idxalında artımın davam etdiyini bəyan edirlər.

“Novoe Vremya” BMT-nin yubiley tədbirində ABŞ və RF prezidentləri B.Obama və V.Putinin çıxışlarına diqqət çəkərək “Azərbaycan hansı yolu seçəcək?” sualını gündəmə gətirir.

“Bizim yol”  Londonda mülk sahiblərinin bu mülklərdə daimi yaşamalarının məcburi olacağını bildirərək bu fonda “Azərbaycan məmurları Londondakı mülkləri itirə bilərlər” iddiasını ilk səhifəyə yerləşdirib.

Ekspertlər ötən ilin 8 ayı ilə müqayisədə bu il ixracatın 2 dəfəyədək və ya 5 milyard manat azaldığını bildirirlər.

“Yeni Müsavat”  BMT-nin yubiley sessiyasında ABŞ prezidenti B.Obamanın insan haqları və demokratiya haqda kəskin danışmasını “okeanın o tayından dünyanı silkələyən mesajlar” kimi manjetə çıxarıb.

Azərbaycanın müxalifət təmsilçiləri rəsmi Bakını Obamanın insan haqlarına əməl etmək çağırışına diqqətlə yanaşmağa çağırıblar.

Tanınmış siyasətçi İsa Qəmbərə görə, ölkədə durumun dəyişməsi zərurətini çoxları, o cümlədən iqtidar da hiss edir, amma bu yöndə addımlar atmağa cəsarətləri çatmır.

Ölkənin rəsmi “Azərbaycan” qəzetinin redaktoru Bəxtiyar Sadıqov ölkə içində belə oxunmayan qəzetini dünya mediasının qiqantları sırasında olan “Vaşinqton Post”, “Nyu-York Tayms” qəzetlərilə eyniləşdirərək “bu qəzetlərdə məqalə çıxanda biz xəbər tuturuq, “Azərbaycan” qəzetinin yazdıqlarından onlar xəbər tutmur?” kimi gülünc sual ortaya qoyur.

Rəy yaz

Cəmiyyət

Qubad İbadoğluna qarşı yeni ittiham? – Qardaşı Qalib Bayramov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti