Rəsmi qəzetlər bu günlərdəki müşavirədəki çıxışında dövlət başçısı İlham Əliyevin Azərbaycanı “sabitlik adası, inkişaf məkanı” kimi dəyərləndirməsini ilk səhifələrə çıxarıblar.
Bundan əlavə, bu qəzetlərdə QHT-lərin illik maliyyə hesabatının forması, məzmunu və təqdim olunması haqda qaydalara Nazirlər Kabinetinin dəyişikliklərinin mətni dərc edilib.
“Azadlıq” qəzeti rəsmi Tehranın Bakı ilə dollardan imtina etmək planını müzakirə etməsini ilk səhifəyə çıxararaq, bunu Azərbaycanın dollardan imtina edə biləcəyi kimi dəyərləndirir.
AŞPA sessiyasında Rusiyaya tətbiq edilən sanksiyaların uzadılmasında rəsmi Bakının Rusiyanı dəstəkləməsini qəzet “hakimiyyətin Qarabağdan imtina etməsi” kimi dəyərləndirir. Jurnalistləri Beynəlxalq Müdafiə Komitəsi rəsmi Bakıya jurnalistlər Xədicə İsmayıl və Seymur Həzini azadlığa buraxmaq tələbi ünvanlayıb.
“Vaşinqton Post” qəzeti Azərbaycan haqda tərifləyici məqalə ilə çıxış edən respublikaçı senator Burtonu “rəsmi Bakının lobbiçisi” kimi işfşa edib. Almaniya qəzetləri isə beynəlxalq hüquq müdafiə qurumlarının insan haqlarına hörmət edilməyən Azərbaycanda olimpiya oyunları keçirilməsinin əsassız olması barədə fikirləri haqqında yazılar dərc ediblər.
AXCP sədri Əli Kərimli dövlət başçısı İlham Əliyevi və mövcud iqtidarı ölkə iqtisadiyyatını “neft çıxarıb satmaq və pulunu bölüşdürmək həddinə qədər primitivləşdirmək”də ittiham edib.
“Ekspress” qəzeti İsrail prezidentinin Xocalı faciəsini dünyadakı kütləvi qırğınlardan biri adlandırmasını diqqət mərkəzinə çəkərək, bunu “ermənilərə yəhudi zərbəsi” adlandırır.
Qəzet ölkənin hərbi prokurorunun ordu sıralarında qeyri-hərbi cinayətlərin artması haqda bəyanatını nəzərə çatdırır.
“BP-Azərbaycan” neftin ucuzlaşması ilə bağlı 422 əməkdaşını ixtisar edir və maaşların artırılmayacağını bildirir.
“Novoe Vremya” qəzeti AŞPA sessiyasında Rusiyaya qarşı sanksiyaların uzadılmasında Rusiyanı dəstəkləməsindən sonra bəzi parlamentarilərin Vaşqinton səfərinə “Bakının xarici siyasət “balansı” ironiyası ifadə edir.
“Bizim yol” qəzeti vergilər naziri Fazil Məmmədovun 4 idarə rəisini işdən azad etməsini ilk plana çıxarıb.
“Yeni Müsavat” qəzeti AŞPA sessiyasında Rusiyaya qarı sanksiyaların uzadılmasında Azərbaycan və Türkiyənin Rusiyanı dəstəkləməsini, Rusiyanın forpostu sayılan Ermənistanın isə bitərəf qalmasını önə çəkərək, bunu “Qərbin anti-Rusiya xoruna Ermənistanın qoşulması” kimi dəyərləndirir. Rəsmi Bakı təmsilçiləri AŞPA sessiyasında Rusiyaya qarşı sanksiyaların uzadılmasında Rusiyanı dəstəkləmələrinin “Rusiyadan öncə Ermənistana sanksiya tətbiq olunması zərurəti” mesajı ilə şərh edirər. Müxalif siyasətçilər isə bu prinsipsizliklə rəsmi Bakının Rusiyanı qazanmayacağı, amma Ukraynanı itirə biləcəyi bəyanatı səsləndiriblər.
Qəzet Dövlət Miqrasiya Xidmətinin rəhbəri Firudin Nəbiyevin bu sahədə korrupsiya şəraiti yaratması, biznes şəbəkəsi və sahib olduğu bahalı avtomobilləri haqda yazır.
Qadın hüquq müdafiəçiləri bu yaxınlarda həbsxanada uşaq dünyaya gətirmiş məhkum Lamiyə Quliyeva ilə görüşə hazırlaşdıqlarını bildiriblər.
Cəmiyyət
-
Yeni imzalanan "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" indidən müzakirələrə səbəb olub. Sənəddə dövlət orqanları, təhsil və tibb müəssisələrinin iş rejiminin dəyişkən qrafikə əsasən təşkili nəzərdə tutulub.
-
Leysan yağışları nəticəsində Lənkəran şəhərinin bəzi rayonlarını, o cümlədən Girdəni, Kosalar və Şiləvar kəndlərini su basıb, bu barədə Azərbaycan FHN məlumat yayıb.
-
Azərbaycanın Milli Hidrometeorologiya Xidməti fevralın 7-də Bakıda və Abşeron yarımadasında dəyişkən yağıntılar və güclü şimal-qərb küləyinin üstünlük təşkil edəcəyini proqnozlaşdırır.
-
Azərbaycan Baş Prokurorluğu və Səhiyyə Nazirliyi birgə bəyanat yayaraq bildirib ki, ölkədə praktik tibb fəaliyyəti ilə məşğul olan plastik cərrahların peşə fəaliyyətinin qanuni əsaslarının yoxlanılmasına başlanılıb.
Rəy yaz