Rəsmi qəzetlər 31 mart Azərbaycanlıların Soyqırım Günü ilə bağlı çoxsaylı məqalələr dərc ediblər. Həm də bu qəzetlərdə müxalifət qüvvələri antimilli hərəkətlərdə ittiham edilir.
“Azadlıq” qəzeti BDU-nun hüquq fakültəsinin dekanı Məmmədxan Rəsulovun bir neçə il öncə hakimiyyətin sifarişilə zəhərlənərək qətlə yetirilməsi haqda keçmiş rektor Elşad Abdullayevin açıqlamasını ilk səhifəyə çıxarıb.
Rəsmi Bakının müxalif qüvvələrə qanundan siyasi əsaslı təzyiqləri davam edir. Bu mənada “EL” Hərəkatınını ofisdən çıxarılmasını qurum rəhbərliyi “iqtidarın “EL”in varlığından narahat olması” sayıb.
“NİDA” gənclər hərəkatının daha iki üzvü həbsə alınıb, beləliklə həbsə alınan “NİDA”çıların sayı 6-ya çatıb. Bu həbslərə görə köşə yazarları ölkəni “gənclər həbsxanası”, hüquqşünaslar isə bu həbsləri qanunsuz adlandırırlar.
AXCP gənclərinin lideri Əbülfəz Qurbanlı təzyiqlərə baxmayaraq hər gün onlarla gəncin partiya üzvlüyünə müraciət etdiyi bəyanatını səsləndirib.
Azərbaycandakı idarəçiliyə “hər şey oğurluq üzərində qururlduğundan fərqli idarəçilik mümkün deyil” mövqeyini ifadə edən ekspertlər dövlət başçısının məmurlara hədə-qorxusunun nəticə verməyəcəyini nəzərə çatdırıblar.
“Yeni Müsavat” ölkə oliqarxlarının “heç kimə etibar yoxdur” prinsipilə bir-biri haqda kompromat toplamasını yazaraq buna “iqtidarda hamı hamıdan şübhələnir” şərhini verir.
“EL” Hərəkatının ofisindən çıxarılmasına cavab olaraq təsisçilərdən Eldar Namazov iqtidara “rus və İran inqilablarını edənlərin də ofisləri yox idi” xəbərdarlığını edib.
“Facebook”da fəallıqlarına görə saxlanılan “NİDA”-çılar Elçin Ağzyev və Ramil Qarayevin ailələri bu həbslərə etiraz olaraq ölkə vətəndaşlığından imtina edəcəklərini bəyan ediblər.
Qəzet masaj salonlarında yetkinlik yaşına çatmayan qızların intim xidmətlər göstərməyə məcbur olunduqlarını, bu salonları məmurların himayə etdiyini yazaraq salonların adlarını açıqlayır.
Ekspertlər xaricdən ölkəyə unun tonunun 230-250 dollara başa gəldiyi halda ölkə içində 560 dollara satılmasını Bakı gömrük idarəsinin idxalla bağlı qeyri-rəsmi ödənişlərin həcmini kəskin artırması ilə əlaqələndirirlər.
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz