Satınalmalar üzrə Dövlət Agentliyi 2012-ci ildəki satınalmalar barədə hesabat açıqlayıb. Hesabatda həmişəki kimi tenderlərlə bağlı təniqd yox, statistika var, hərçənd bu sahədə problemlər qalmaqdadır.
Ümumilikdə 2012-ci il ərzində müsabiqə yolu ilə 14169 satınalma həyata keçirilib (o cümlədən, 12,7 min kotirovka sorğusu). Bu, 2011-ci ildəkindən 13,1% çoxdur. Bağlanan satınalma müqavilələrinin qiyməti 4.428.143,11 min manat təşkil edib. Bu, 2011-ci ildəkindən 66,7% çoxdur. Əgər 2011-ci ildə qənaət edilən dövlət vəsaitinin həcmi 193,5 mln manat olubsa, ötən il 302,2 mln manata çatıb. SDA əvvəlki illərdən fərqli olaraq, 2011-2012-ci illərdə ayr-ayrı dövlət strukturları üzrə satınalma və qənaət edilən vəsaitlərin miqdarını açıqlamayıb. Bu isə statistik məlumatların analiz səmərəsini minimuma endirir.
SDA-nın hesabatında ləğv edilən tenderlər, aşkarlanan korrupsiya barədə məlumat yoxdur. SDA-nın internet resursunda 2012-ci il üzrə müsabiqə satınalmaları və onların nəticələri barədə məlumat verilmir. Hesabatda müsabiqələrdəki iddiaçıların sayı və qaliblər barədə informasiya yoxdur. 2011-ci il üzrə məlumatların analizi göstərir ki, hər bir alıcının öz ənənəvi tərəfdaşı var. Xüsusən regionlarda eyni iddiaçılar qalib gəlir.
Satınalma təşkilatları KİV təmsilçilərini tender sənədlərinin açılmasına dəvət etmir, qanunvericiliyə zidd olaraq, onların nəticələrini dərc etmir.
Maraqlıdır ki, bir sıra dövlət strukturları (“Azerbaijan Airlines”, “Azəryolservis”, “Azneftkimyamaşservis” və s.) hətta müsabiqə keçirmir. Onların podratçıları necə seçməsi bəlli deyil. Hökumət, o cümlədən Maliyyə Nazirliyi bunu sezmir. --08B—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz