“Fitch” Azərbaycanın reytinqini təsdiqləyib

“Fitch” beynəlxalq reytinq agentliyi Azərbaycanın xarici valyutada uzunmüddətli emitent defolt reytinqini (IDR) növbəti dəfə “BBB-” səviyyəsində təsdiqləyib.

Bu barədə agentliyin açıqlamasında bildirilir.

Məlumatda deyilir ki, reytinq üzrə proqnoz “Sabit”dir.

“Fitch” bəyan edib ki, Azərbaycanın dövlət borcu digər ölkələrlə müqayisədə azdır, ölkəmiz Dövlət Neft Fondu (ARDNF) vasitəsilə çevik maliyyələşdirmə imkanlarına malikdir. Azərbaycan hökumətinin həyata keçirdiyi fiskal siyasət suveren xarici aktivləri qorumağa, makroiqtisadi sabitliyi təmin etməyə, neft qiymətlərindəki volatilliyin təsirlərini idarə etməyə imkan verir.