Yanvarın 19-da Avropa İttifaqının Azərbaycandakı nümayəndə heyətinin rəhbəri Peter Mixalko və Avropa İttifaqı ölkələrinin səfirləri faciəvi hadisələrin 35-ci ildönümündə "Qara yanvar" qurbanlarının xatirəsini yad etmək üçün Şəhidlər Xiyabanını ziyarət ediblər.
"Bu faciədə həlak olanların ailələrinə və yaxınlarına dərin hüznlə başsağlığı verirəm. Avropa İttifaqı əvvəlkitək Azərbaycanda, Cənubi Qafqazda və bütün dünyada sülhə, sabitliyə və firavanlığa sadiqdir", - Mixalko X sosial şəbəkəsində yazıb.
Bu gün Böyük Britaniya səfiri Fergüs Old Şəhidlər Xiyabanını ziyarət edərək "Qara yanvar "qurbanlarının məzarlarına gül dəstələri düzüb.
"20 yanvar qanlı hadisələri zamanı Azərbaycanın azadlığı və müstəqilliyi uğrunda şəhid olan qəhrəmanları dərin hüznlə yad edirəm", - o, X sosial şəbəkəsində yazıb..
ABŞ-ın Azərbaycandakı müvəqqəti işlər vəkili Hüqo Qevara da sovet ordusunun Bakıdakı cəza əməliyyatının qurbanlarının xatirəsini yad etmək üçün Şəhidlər Xiyabanına gedib.
"Bu gün biz “Qara yanvar”ın faciəli hadisələrini anırıq, bu ölkə üçün qəhrəmancasına öz həyatını verənlərin xatirəsini yad edirik. Onların dərin fədakarlığı haqqında düşünürük və bu anım günündə onların ailələrinə və yaxınlarına səmimi düşüncələrimizi çatdırırıq" - ABŞ səfirliyinin Facebook səhifəsində Hüqo Qevaranın sözlərindən sitat gətirilir.
Siyasət
-
ABŞ-ın seçilmiş prezidenti Donald Tramp öz komandasına yanvarın 20-də keçiriləcək inaqurasiyasından sonra Rusiya prezidenti Vladimir Putinlə telefon danışığı təşkil etməyi tapşırıb. Bu barədə CNN məsələ ilə tanış mənbələrə istinadən xəbər verib.
-
O dəhşətli gecədən 35 il keçdi, 19 yanvar - 20 Yanvar 1990-cı ildə sovet rəhbərliyinin əmrlərinə əməl edərək 35.000 nəfərlik ordu korpusu zorla Bakıya girdi. Bu təcavüzkar hərəkət mülki əhali arasında çoxsaylı itkilərə səbəb oldu və Azərbaycanın müstəqilliyi uğrunda mübarizədə faciəli bir fəsil oldu. Sovet ordusunun Bakıya işğalı artan milli azadlıq hərəkatını yatırmaq, xüsusən də 1990-cı ilin martına təyin olunmuş qarşıdan gələn parlament seçkilərini pozmaq məqsədi ilə təşkil edildi.
-
Müsavat Partiyasının fəalı, keçmiş siyasi məhbus Əlikram Xurşidov Şirvan şəhərində, yaşadığı evdə həbs edilib.
-
ABŞ-ın Azərbaycandakı səfirliyinin sözçüsü Erin Robertson Azərbaycan xarici işlər naziri Ceyhun Bayramovun yanvarın 16-da Amerika Beynəlxalq İnkişaf Agentliyinin (USAID) 2024-cü il 1 iyun tarixindən Azərbaycanda fəaliyyət göstərməsinin de-yure mümkün olmaması ilə bağlı bəyanatı barədə Amerikanın Səsinin sorğusuna cavab verib.
Rəy yaz