İran Azərbaycana nota verib

İran Azərbaycan Milli Azadlıq Cəbhəsinin Bakıda keçirdiyi “Çağdaş Güney Azərbaycanın sabahı” mövzusunda keçirdiyi konfransı pisləyib.   

Belə ki, İran Azərbaycandakı səfirliyi bildirir ki, “Azərbaycan Milli Azadlıq Cəbhəsi” adını daşıyan qruplaşmanın dəvəti ilə irqçi və separatçı ünsürlərin martın 30-da Bakıda keçirdikləri anti-iran toplantısını pisləyib.   

İran səfirliyinin məlumatına görə, səfirliyin mətbuat xidmətinin sədri Seyid Məhəmməd Ayətullahi belə bir toplantının keçirilməsini pisləməklə yanaşı qeyd edir ki, Tehranın Bakı ilə dotluq münasibətlərinin mökəmləndirilməsinə yönəlik siyasəti və Azərbaycanın daxili işlərinə qarışmamağa sadiq qalmasına rəğmən, anti-iran ünsürlərin Azərbaycanda təhqiredici  və düşmən hərəkətlərdə bulunaraq, İrana qarşı əsassız olaraq ərazi iddiası irəli sürüblər.

Ayətullahi bildirib ki, İran toplantı ilə əlaqədar olaraq narahatlığını rəsmi surətdə Azərbaycan Respublikasına bildirəcək.

Xatırladaq ki, bir neçə gün öncə Azərbaycanın Ermənistanın işğalnda olan Şuşa şəhərindən Azərbaycan əleyhinə “Talışıstan” adlı radiostansiya fəaliyyətə başlayıb. Radionun fəaliyyəti Azərbaycandakı talış icnması tərəfindən pislənib. Yerli media “Talışıstan” radiosunun İranın himayə etdiyini və orada İrandan olan talışların işlədiyini bildirib.   

İranın Azərbaycandakı İranın “Talışıstan” adlı radio ilə əlaqəsi olduğuna dair xəbərləri təkzib edib. 

“İrana qarşı olan bəzi İran vətəndaşları dünyanın bir çox KİV-lərində fəaliyyət göstərməkdədir və belə şəxslərin Talışıstan adlı radioda da olması onların İranla əlaqədar oluğu anlamına gələ bilməz”, səfirlik qeyd edib. 

Bundan sonra martın 30-da Bakıda Parl İnn otelində Güney Azərbaycan Milli Azadlıq Cəbhəsi “Çağdaş Güney Azərbaycanın sabahı” mövzusunda elmi konfrans keçirib. Konfransda İranda (Güney Azərbaycan) yaşayan azərbaycanlıların milli azadlıq hərəkataı müzakirə olunub.  

Konfransın əsas müzakirə tezisləri belədir: İran dövlətinin siyasi gələcəyi yoxdur. Son zamanlar səslənən “Güney Azərbaycan İran deyil!” şüarı Güney Azərbaycan Milli Azadlıq Cəbhəsinin əsas mübarizə strategiyasıdır. Güney Azərbaycan milli fəallarının Azərbaycan Respublikasından istədikləri nədir?  Azərbaycan Respublikasının İranda yaşayan azərbaycanlılarla bağlı strategiyası işlənməlidir. 

Forumda İranın nüvə proqramı, Amerika və Avropanın orta şərq strategiyasına qarşı İranın fəaliyyəti, beynəlxalq terrorizmin dəstəklənməsində İranın rolu, Güney Azərbaycanda Milli Azadlıq Hərəkatının İranın daxili siyasi proseslərə təsirləri də diqqət mərkəzində olub. 

Mütəxəssislər qeyd edib ki, Tehran mərkəzi dövləti 20-ci əsrin əvvəlindəki iranlaşma prosesindən sonra ən ciddi böhranını yaşayır. Ümumilikdə daxili, regional və qlobal şərtlər  İranın əleyhinə yönəlib.-03B-