Qiymətli Kağızlar üzrə Dövlət Komitəsində (QKDK) “Azərbaycan Respublikasının qiymətli kağızlar bazarı üzrə qanunvericiliyinin Avropa İttifaqının qanunvericiliyinə uyğunlaşdırılması və Qiymətli Kağızlar üzrə Dövlət Komitəsinin institusional inkişafı” tvinninq layihəsinin İdarəetmə Şurasının növbəti görüşü keçirilib. Tərəflər tvinninq layihəsinin icrasının ikinci rübü ərzində görülmüş işləri yüksək qiymətləndirib və rüblük tərəqqi hesabatını təsdiq edib. Amma problemlər yetərincədir.
QKDK mətbuat xidmətinin məlumatında deyilir ki, QKDK nümayəndəsi həyata keçirilən tədbirlər barəsində ictimaiyyəti daima məlumatlandırıldığını və bu məqsədlə QKDK-nın rəsmi internet səhifəsində tvinninq layihəsinə həsr olunmuş xüsusi bölmənin yaradıldığını görüş iştirakçılarının diqqətinə çatdırıb.
Rəsmən layihə ötən ilin oktyabrında başlayıb və indiyəcən yerli emitentlər korporativ idarəetmə standartlarının təkmilləşdirilməsi və şirkətlərdə nəzarət payının əldə edilməsi üzrə qanun layihələrinin müzakirəsinə dəvət edilməyib. Qanuna əsasən, «Qiymətli kağızlar bazarı haqqında» qanun parlamentə 2012-ci ildə təqdim edilməli idi. Amma sənədin harda olması məlum deyil. QKDK-nin internet səhifəsində bu layihə üzrə materiallar yalnız ingiliscədir.
Layihə qiymətli kağızlar üzrə yerli qanunvericiliyin Avropa direktivlərinə uyğunlaşdırılmasını nəzərdə tutur. Qiyməti 1 mln avrodur və Avropa Komissiyası tərəfindən maliyyələşdirilir. Layihənin operatoru Polşa Maliyyə Nəzarəti Agentliyidir. Layihə 2014-cü ilin iyununda başa çatacaq. --08D—
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz