Zindan həyatımdan bəlkə də ən unudulmaz xoş xatirə kimi yadda qalacaq iki gözlənilməz xəbərdən biri həbsimdən iki gün sonra (23 iyun 2012) Sülh və Demokratiya İnstitutu tərəfindən İsaxan Aşurov adına mükafatın təsis edilməsi idisə, digəri elə özümün də ilk olaraq bu mükafata layiq görülməyim oldu. Min bir təqib və təzyiqlərə baxmayaraq, nəhayət ki, 9 ay sonra, 29 mart 2013-də bu mükafatın təqdimetmə mərasiminin baş tutduğunu eşidib, xeyli sevindim.
Bu münasibətlə mərasimdən 1-2 gün öncə hazırladığım təbrik məktubunda İsaxan Aşurov şəxsiyyətinin cəmi hüquqşünaslara, hüquq müdafiəçilərinə, vəkillərə və digərlərinə bir nümunə olduğunu bildirməklə yanaşı, bu mükafatın ilk qaliblərini də fürsət ikən təbrik etməyi özümə borc bilmişdim.
Səhərisi gün Kürdəxanı təcridxanasına yanıma gələn vəkillərim – Yalçın İmanov və Xalid Bağırovun məni sevinc dolu gözləriylə qarşılayıb təbrik etdiklərini bir an anlamadım. Onların: “Bəs İsaxan Aşurov adına mükafatın sənə təqdim olunduğundan xəbərin yoxdur?!” - sualının cavabında: “Necə? Heç ağlıma da gəlməzdi. Bir də ki, məni daha çox bu mükafatın təsis edilməsi xəbəri xeyli sevindirmişdi, hərçənd ki, qaliblərini də təbrik etməyi unutmamışdım” - dedim.
Onların, elə bir nəfəsə: “Məhz sənə təqdim edilib o mükafat” - sözlərini eşitdikdə isə, doğrudan da xeyli şok anlar yaşadım...
İstənilən halda, mənə göstərilən bu qədər yüksək diqqətə görə şəxsən Sülh və Demokratiya İnstitunun direktoru Leyla xanım Yunusa, bu təqdimata dəstək olmuş bütün digər qardaş-bacılara və təbrikə qoşulmuş hər kəsə dərin minnətdarlığımı bildirməyi özümə borc hesab edirəm.
Əziz dostlarım, zindanda olub-olmamağımdan asılı olmayaraq, bir daha bu yüksək etimadınızı həmişə şərəflə doğrultmağa söz verirəm....
Hamınıza dərin hörmətlə,
Hilal Məmmədov
(vicdan məhbusu)
Söz istəyirəm
-
20 yanvar ərəfəsində arxivləri yerbəyer edərkən rəhmətlik həmkarım Fərhad Kərimovun mənə verdiyi fotoşəkillər qovluğuna rast gəldim.
-
Yanvarın 7-də prezident İlham Əliyevin yerli telekanallarla mətbuat konfransında Real TV-nin nümayəndəsi belə bir sual verdi: "Trampı bizimlə bir gəmidə görürsünüz..."
-
Çıxışıma təşəkkürlərlə başlamaq istəyirəm. Həyatımın hər mərhələsində yanımda olan ailəmə, yaxın qohumlarıma, dostlarıma təşəkkür edirəm. Şərlənərək həbs edildiyimə görə fiziki olaraq azadlıqdan məhrum edilsəm də, ilk andan bu günə qədər bütün maddi-mənəvi çətinliklərə baxmayaraq, onların yanımda olmasının nə qədər dəyərli olduğunu sözlərlə ifadə etmək mümkün deyil.
-
Azərbaycan hökümətinin 10 il bundan qabaq başladığı və bu günə qədər yarımçıq qalmış olduqca vacib bir islahatdan qısaca bəhs etmək istəyirəm.
Rəy yaz