Mətbuat-Monitorinq 31.05.14

Rəsmi qəzetlər Milli Məclisin yaz sessiyasının başa çatması haqda xəbəri, bir sıra mədəniyyət işçilərinin dövlət mükafatları ilə təltif olunmalarına dair sərəncamın mətnini ilk səhifələrə yerləşdiriblər.

Bundan əlavə, ABŞ-ın Azərbaycandakı səfirinin rəsmi Bakını tənqid etməsinə cavab olaraq bu qəzetlərdə “Heç bir xarici qüvvə Azərbaycana təsir göstərə bilməz” sərlövhəsilə deputatların reaksiyaları əksini tapır.

“Azadlıq” qəzeti vergilə bağlı son həbsləri önə çəkərək bunu vergilər naziri Fazil Məmmədova qurulan tələ kimi dəyərləndirir.

“Ayna” və “Zerkalo” qəzetlərinin baş redaktoru Elçin Şıxlı maliyyə problemlərilə bağlı hər iki qəzetin çapının dayandırıldığını bildirib.

PA-nın şöbə müdiri Novruz Məmmədovun ABŞ-ın Azərbaycandakı səfiri R.Morninqstarın rəsmi Bakını tənqid etməsini səfirin şəxsi fikri saymasına ekspertlər “belə olsaydı səfir dərhal geri çağırılardı” cavabını veriblər.

Tanınmış vəkil Aslan İsmayılov ölkədə müstəqil məhkəmə sisteminin olmadığını deyərək məhkəmələrin ünvanına “bir qrup oliqarxın mühafizə xidmətinə çevrilməsi” ittihamını səsləndirib.

Ekspertlər nizamnamə kapitalını 50 milyon manat həddinə çatdıra bilmədiyi üçün 44 bankdan 16-nın bağlanacağı proqnozunu veriblər.

“Ekspress”  ölkə vətəndaşlarının 2 milyon 500 min nəfərinin uşaqlar olması xəbərini ənə çəkib.

“Novoe Vremya”  ABŞ-ın Azərbaycanda demokratiya məsələsinə diqqət yetirməməsi mövzusunu diqqət mərkəzində saxlayaraq bu münasibətə “yenə də Amerikasayağı demokratiya” mövqeyini ifadə edir.

Qəzet Milli Məclisdə vətəndaşlıq haqqında qanuna dəyişiklikləri “Konstitusiyaya zidd düzəlişlər” kimi dəyərləndirir.

“Bizim yol”  rəsmi Bakının Rusiyanın layihəsi olan “Avrasiya İqtisadi İttifaqı”na qoşulmayacağı haqda mövqeyini ilk səhifədə yerləşdirib.

Qəzet ilin əvvəlindən bu yana hərbi xidmətdə 5 əsgərin xəstəlikdən həyatını itirməsini Müdafiə Nazırliyi ilə Səfərbərlik Xidməti arasındakı “didişmə”nin nəticəsi sayır.

Qəzet Bakı-Qazax yolunda baş verən qəzada 4 nəfərin öldüyü, 7 nəfərin ağır yaralandığı haqda yazır.

“Yeni Müsavat”  rəsmi Bakı ilə Vaşiqnton arasında gərginliyin pik həddə olması iddiasını ilk səhifəyə çəkərək sərt siyasət tərəfdarlarının ABŞ-ın Azərbaycana daha prinsipial səfir göndərməsini arzu edirlər.

Qəzet siyasi məhbuslarla bağlı son iki ayda çıxan məhkəmə qərarlarına istinadən məhbuslara üst-üstə 145 il cəza kəsilməsini nəzərə çatdıraraq bunu “dəhşətli statistika” adlandırır.