Prokurorluq Leyla Yunusu həbslə hədələyir

Mayın 30-da günün ikinci yarısında Yasamal rayonunda hüquq müdafiəçisi Leyla Yusunun yaşadığı çoxmərtəbəli binanın qarşısında çox sayda polis, mülki geyimli şəxs və prokurorluğun istintaq qrupunun işçiləri cəmləşib.

Eyni zamanda, girişin qarşısında çoxsaylı media və vətəndaş cəmiyyəti nümayəndələri toplaşıb. Göründüyü kimi, məhz buna görə polis əməkdaşları hər-hansı addım atmır. Eyni zamanda, polis binanın mühafizəçilərinə jurnalistləri girişdən çıxarmağı əmr edib, lakin jurnalistlər əmrə tabe olmayıblar.

Yunus özü jurnalistlərin qarşısına çıxaraq bildirib ki, onun və həyat yoldaşının pasportları və evin sənədləri qayarılana qədər prokurorluğa ifadə verməyə getməyəcək.

Bu arada, Baş Prokurorluğun mətbuat xidməti məlumat yayaraq, Yunusa və onun nümayəndəsi Xalid Bağırova mayın 30-da üzrsüz səbəbdən istintaqa gəlməkdən imtina etdikləri halda məcburi gətiriləcəkləri barədə xəbərdarlıq göndərilib.

İfadə verməkdən imtinaya görə cinayət məsuliyyətinə və həbsə məruz qoyulma nəzərdə tutulur. Prokurorluq həmçinin Yunusun hər-hansı şərt irəli sürməsinin yolverilməz olduğunu bildirir. -16D-