Alyans bütün siyasi məhbusların azadlığa buraxılmasını tələb edir
“Siyasi Məhbuslarsız Azərbaycan” İctimai Alyansı növbəti iclasını keçirib. Bu haqda Turan-a Alyansın rəhbərlərindən, keçmiş siyasi məhbus Elşən Həsənli bildirib.
İclasda siyasi məhbuslarla bağlı son durum, qanunsuz həbslər, məhkəmə hökmləri, Alyansın qarşısında duran vəzifələr, yaxın dövr üçün görüləcək işlər və digər məsələlər müzakirə olunub. Tədbirdə jurnalist Rauf Mirqədirovun, hüquq müdafiəçisi Emil Məmmədovun, gənc fəal Orxan Əyyubzadənin həbsi, eləcə də jurnalist Pərviz Həşimli, gənc bloger Əbdül Əbilov, SMDT nümayəndələri Anar Məmmədli, Bəşir Süleymanlı və s. haqqında çıxarılan məhkəmə hökmləri “absurd” adlandırılaraq kəskin pislənilib.
28 may - Respublika Günü ərəfəsində dövlət başçısı tərəfindən imzalanan əvf fərmanının siyasi məhbuslara şamil edilməməsinə ciddi narazılıq ifadə olunub. Əfv fərmanın “cəmiyyəti aldatmağa yönəldiyi” iddia edilib. Natiqlər imitasiya xarakterli belə fərmanların siyasi məhbuslara aid edilməsini və iqtidar tərəfindən beynəlxalq qurumlarla “bazarlığa” döndərilməsini yolverilməz sayıblar. Onlar qeyd-şərtsiz olaraq bütün siyasi məhbusların azadlığa buraxılmasını irəli sürüblər.
İclasda 2014-cü il iyunun 4-də “Azərbaycanda siyasi məhbus problemi; mövcud durum və reallıqlar" mövzusunda toplantı keçirilməsi qərara alınıb.
Bununla yanaşı, iyun ayında “Siyasi Məhbuslarsız Azərbaycan” İctimai Alyansının Azərbaycanda siyasi məhbus probleminə dair növbəti hesabat hazırlaması da qərara alınıb. -05D-
-
- Cəmiyyət
- 30 May 2014 18:25
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz