Azərbaycanda Leyla və Arif Yunusların təqibinə son qoyulmaması ilə əlaqədar Amerika senatoru və Helsinki Komissiyasının sədri bəyanatla çıxış edib.
“Mən Azərbaycan hakimiyyətinin Leyla Yunusu və onun həyat yoldaşı Arif Yunusu təqib etməkdə davam etməsindən narahatam. Onların saxlanılması və mənzillərində axtarış aparılması, sərbəst yerdəyişmələrinin və Azərbaycanı tərk etmələrinin qadağan edilməsi təqibin siyasi motivli olduğuna dəlalət edə bilər.
Mən qətiyyətlə Azərbaycan hakimiyyətini bu prosesdə qanunun aliliyi haqqında öhdəliklərinə riayət etməyə çağırıram”, deyə bəyanatda qeyd edilir.
* Helsinki Komissiyası Federal hökumətin müstəqil qurumudur, Helsinki Aktının müddəalarına, habelə 57 ATƏT ölkəsində demokratiya normalarına riayət edilməsinin monitorinqi ilə məşğuldur.
Komissiyaya ABŞ Senatının 9 üzvü, 9 konqresmen və Dövlət Departamenti, Pentaqon və ABŞ Ticarət Nazirliyinin hər birinin bir nümayəndəsi daxildir. -02D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz