Tbilisi/30.05.14/Turan-BS PRESS: Gürcüstanın şərqində yerləşən Qardabani şəhərində mayın 28-də yerli sakinlər – gürcülər və azərbaycanlılar arasında kütləvi qarşıdurma baş verib.
Milli problemlərlə məşğul olan bir neçə QHT bildirir ki, insident əvvəlcə yerli sakinlər – etnik azərbaycanlılarla gürcülər arasında yerli marketin qarşısında mübahisə ilə başlayıb. Bundan sonra insident kütləvi qarşıdurmaya dönüb, bir qrup gürcü azərbaycanlıların oturduğu çayxanaya doğru hərəkət edib. Bundan sonra qarşıdurmanın miqyası böyüyüb və iştirakçılar 400 nəfərə çatıb.
Hadisə yerinə yerli polis çağırılıb, lakin polis gərginliyi azalda bilməyib, bundan sonra xüsusi təyinatlılar çağırılıb.
İkinci gün yüzlərcə insan əllərində dəyənəklə Qardabaninin mərkəzində toplaşıblar və polisdən və yerli hakimiyyətdən çayxanada azərbaycanlılara hücum edənlərin cəzalandırılmasını tələb ediblər.
Kvemo Kartli bölgəsinin qubernatoru Georgi Mqebrişvili mitinq iştirakçıları ilə görüşüb və istintaq aparıldığını, hadisə iştirakçılarının buna görə qanun qarşısında cavab verəcəklərini bildirib. -02D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz