Mayın 30-da SOCAR Turkey Energy və 23 maliyyə institutu arasında ümumi məbləği $3,29 mlrd. həcmində kredit sazişi imzalanıb. Kredit İzmirdə yeni Star NEZ-in inşası layihəsinin maliyyələşdirilməsi üçün ayrılacaq.
Türkiyənin ictimai xəbər saytında yerləşdirilən məlumata görə, bu məbləğin $2,69 mlrd.-ı 18 il müddətinə (4 il güzəştli dövr olmaqla – tikinti dövrü), qalan $600 mln.-u 15 il müddətinə (4 il güzəştli dövr olmaqla) ayrılacaq.
Layihənin maliyyələşdirilməsində iştirak edən bankların adları açıqlanmır.
Lakin bundan əvvəl SOCAR-ın nümayəndələri bildirmişdilər ki, Star NEZ layihəsinin kreditləşməsində İspaniya, İtaliya, Yaponiya, ABŞ və Cənubi Koreyanın ixrac-idxal bankları, həmçinin 15 kommersiya bankı iştirak edir.
Bu layihənin maliyyələləşdirilməsinə Neft Fondundan $475 mln. ayrılıb. Star NEZ-in inşası üzrə layihənin ümumi dəyəri $5,6 mlrd. təşkil edir. –12B--
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz