Azərbaycan Dövlət Neft Şirkəti Transanadolu qaz kəməri layihəsindəki payının bir hissəsini (TANAP) Türkiyənin BOTAS Dövlət boru kəməri şirkətinə satıb.
Türkiyə KİV-nin məlumatına görə, Azərbaycanın energetika naziri Natiq Əliyev və onun türkiyəli həmkarı Taner Yıldız mayın 30-da İstanbulda Türkiyənin TANAP-da payının 30 faizədək artırılması barədə saziş imzalayıblar.
Qeyd edək ki, TANAP şirkətində BOTAS-ın payı 20 faiz təşkil edir. SOCAR 68 faiz iştirak payı ilə layihənin operatorudur. Daha 12 faiz isə “Şahdəniz” layihəsinin texniki operatoru olan Britaniyanın BP şirkətinə məxsusdur.
TANAP layihəsi “Şahdəniz” yatağından qazın Türkiyə ərazisi ilə Avropa sərhədlərinə nəqlini nəzərdə tutur.
Boru kəmərinin ilkin ötürmə qabliliyyəti ildə 16 milyard kubmetr olacaq. Altı milyard kubmetr Türkiyəyə, qalanı Avropaya nəql olunacaq. Gələcəkdə boru kəməri ildə 31 milyard kubmetrədək genişləndiriləcək.
TANAP layihəsinin səhmdarları 2014-cü ilin ikinci kvartalında qaz kəmərinin təməlini qoymağı, 2018-ci ildə isə istismara verməyi planlaşdırırlar. TANAP layihəsinin ilkin dəyəri 11,7 milyard dollar həcmində dəyərləndirilir. –12В--
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz