Azərbaycanın 15 broker şirkətindən biri olan “Texnika Kapital Menecment” (TKM) MMC broker şirkəti 2013-cü il üzrə maliyyə hesabatını açıqlayıb. Qiymətli kağızlar bazarının qalan 18 peşəkar iştirakçısı qanunvericiliyin bu tələbinə əməl etmir.
Hesabata əsasən, 2013-cü ildə “TKM”in gəlirləri 89 174 manat, xalis mənfəəti 11 853 manat olub. Müştərilərə xidmətdən gəlirlər 60 min manat, investisiya, faiz gəlirləri və dividendlər 29 191 manat olub.
Nağd pul və onun ekvivalenti 2014-cü ilin əvvəli üçün 181 min manat, likvid aktivlər 191,4 min manatdır. “TKM”in nizamnamə kapitalı 380 min manat təşkil edir.
12 fevral 2013-cü il tarixli Qiymətli kağızlar bazarının peşəkar iştirakçılarının hesabatlarına dair tələblər, habelə onların təqdim edilməsi və açıqlanması qaydalarına əsasən, maliyyə hesabatları və kənar auditor rəyləri QKDK-ya təqdim edildiyi tarixdən etibarən 30 gün ərzində kütləvi informasiya vasitələrində açıqlanmalıdır. QKDK bu normativ akta əməl olunmasına nəzarət etmir.
“TKM” MMC maliyyə hesabatını korporativ saytında yerləşdirib. Hesabat hələ KİV-də dərc edilməyib. QK bazarının 5 peşəkar iştirakçısının (bakı Fond Birjası, Milli Depozit Mərkəzi, Chealsea Capital, TKM və İnvest-AZ) korporativ saytı var. 08B
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz