Rəsmi qəzetlər dövlət başçısı İlham Əliyevin Beyləqanda Aran və Yuxarı Qarabağ bölgələrində fəaliyyət göstərən iş adamları ilə görüşləri, buradakı çıxışları haqda yazırlar.
“Azadlıq” qəzeti Rusiyanın azərbaycanlıların yaşadığı Dərbənd şəhərində bu yaxınlardakı daşqınlardan əziyyət çəkənlərə Azərbaycandan göndərilən yardımların gömrükdə saxlanmasını “Rusiyanın Əliyevin yardımını qəbul etməməsi” adlandırır.
Vəkil Qurban Məmmədov Rusiyada əslən Azərbaycandan olan milyarderlərin qurum yaratmasını “onlar Əliyevin gedəcəyinin labüd olduğunu bilirlər, əks halda bu addımı atıb özlərinə düşmən qazanmazdılar” şərhini verib.
PA ictimai-siyasi şöbəsinin müdiri Əli Həsənovun Moskva səfərinə müxalif siyasətçilər “rəsmi Kremlin Azərbaycandan olan “milyarderlər ittifaqı”na dəstək verməməsi xahişi olunacağı” şərhini veriblər.
Vəkil Adil İsmayılov keçmiş rektor Elşad Abdullayevin əlindəki videoları yaydığı halda iqtidardaxili çaxnaşmanın düşməsinin labüd olacağını bəyan edib.
“Zerkalo” hakimiyyətin icazəsiz aksiyalarda iştirakla bağlı yüksək cərimələr nəzərdə tutmasını “siyasi fəallığın qarşısını yüksək cərimələrlə almaq” kimi dəyərləndirir.
Sanitar-gigiyenik normalara cavab verməyən 50 dönərxananın fəaliyyəti dayandırılıb.
“Ekspress”. Eks-prezident Əbülfəz Elçibəyin zəhərlənməsi adı ilə qaldırılmış cinayət işini ailə üzvləri “Elçibəy adı ətrafında siyasi alver, hansısa qrupun maraqlarına xidmət edən oyun” adlandırır.
“Exo” Azərbaycanda sovet dövründəki siyasi repressiya qurbanlarının xatirəsinin yad edilməməsini “Azərbaycanın tarixi yaddaşsızlığı” adlandırır.
“Novoe Vremya” Rəsmi Bakının ünvanına olan bütün beynəlxalq tənqidləri qərəzli adlandırmasına “Azərbaycan iqtidarı ədalətli tənqidə konstruktiv reaksiya verməyi öyrənəcəkmi?” sualı ilə cavab verir.
“Bizim yol” Gürcüstanın yeni hakimiyyətinin Azərbaycanla enerji davasına hazırlaşmasını “Gürcüstan iqtidarının Bakının nəzarətindən çıxması” adlandırır.
Yol-nəqliyyat qəzasına görə istintaq dövründə həbsə alınan gənc müsavatçı Nigar Yaqublu Avropa Şurası tərəfindən siyasi məhbus kimi tanınıb.
Eks-prezident Ayaz Mütəllibov 1992-ci ildə prezidentlikdən kənarlaşdırıldığı zaman gücdən istifadə etməməsinə “mənim kreslom həmvətənlərimin qanına dəyməzdi” şərhini verib.
“Yeni Müsavat” Bakıda keçirilmiş “Formula-1” yarışları ilə bağlı paytaxtın mərkəzi hissələrinin hasarlanmasını həm də iqtidarın ehtimal edilən xalq üsyanlarını şəhərə buraxmamaq üçün “antiinqilab təlimi” kimi dəyərləndirir.
Qəzet Rusiyada yaradılan Azərbaycandan olan “milyarderlər ittifaqı”nı rəsmi Kremlin Azərbaycanı tam təsiri altında saxlamaq mexanizmi hesab edir.
Cəmiyyət
-
Azərbaycanla Ermənistan növbəti mərhələdə delimitasiya işlərinin İranla sərhədə qədər başlanması barədə razılığa gəlib. Bununla bağlı yanvarın 16-da Azərbaycan baş nazirinin müavini Şahin Mustafayevlə ermənistanlı həmkarı Mher Qriqoryanın sədrliyi ilə iki ölkənin dövlət sərhədinin delimitasiya və təhlükəsizliyi komissiyalarının iclasında razılıq əldə edilib.
-
Yanvarın 20-də Bakıda və Abşeron yarımadasında yağışlı və küləkli hava şəraiti gözlənilir. Bu barədə meteoroloji proqnozlarda məlumat verilib.
-
18 yanvar tarixində Azərbaycan üzrə hava proqnozu ölkənin müxtəlif bölgələrində dəyişkən hava şəraiti gözlənildiyini, bəzi ərazilərdə yağışın olacağını bildirir.
-
“Azercell” istifadəçilərə daha rahat xidmət təcrübəsi təqdim etmək məqsədilə öz mobil tətbiqinə "Qonaq girişi" funksiyasını əlavə edib. Bu yenilik bütün istifadəçilərə Azercell-in müxtəlif xidmət və məhsullarını daha əlçatan edir.
Rəy yaz