![E.Sabiroğlu: Erməni raketləri hədəflərinə uça bilməyəcək](https://turan.az/resized/750/500/resize/media/2012/main/103000016363.jpg)
E.Sabiroğlu: Erməni raketləri hədəflərinə uça bilməyəcək
Azərbaycanın RƏM sistemi Ermənistan tərəfdən buraxılan istənilən raketi aşkar etmək və zərərsizləşdirmək iqtidarındadır. Bu barədə Azərbaycan Müdafiə Nazirliyinin mətbuat xidmətinin rəhbəri Eldar Sabiroğlu Tərtərdə keçirilən mətbuat konfransında bildirib.
Onun sözlərinə görə, Azərbaycan radarları raketi buraxıldığı anda aşkar etmək və zərərsizləşdirmək iqtidarındadır. Bundan başqa, Azərbaycan ordusu Ermənistan ərazisində istənilən hədəfi 1-2 dəqiqə ərzində məhv edə bilər, deyə o bildirib.
Sabiroğlunun sözlərinə görə, Azərbaycan təmas xəttində ən müasir silah növləri yerləşdirib və Azərbaycan ordusu işğal edilmiş ərazilərin azad edilməsi üzrə tapşırığın yerinə yetirilməsi üçün yüksək döyüş hazırlığına malikdir.
Onun sözlərinə görə, Azərbaycan ordusu “istənilən məsafədən və istənilən yerdə” düşmən hədəflərini məhv etməyə imkan verən ən müasir silahlara malikdir.
Sabiroğlu həmçinin Azərbaycan ordusunun yüksək döyüş əhval-ruhiyyəsində olduğunu qeyd edib. Bu ilin 10 ayı ərzində Azərbaycan ordusunun itkiləri 12 nəfər təşkil edib, bir halda ki, düşmən 32 döyüşçüsünü itirib.
Atəşkəs rejimi ən çox Füzuli, Ağdam və Tərtər istiqamətlərində pozulub. Bu ilin ən gərgin dövrü iyun ayı olub.
Azərbaycan hərbiçilərinin peşəkar hazırlığı barədə danışan Sabiroğlu Azərbaycan zabitlərinin NATO qərargahlarında xidmət keçəcəyini bildirib. Belə ki, zabitlər Böyük Britaniyanın Norfolk şəhərində HDQ qərargah-mənzilinə ezam olunacaqlar.
Sabiroğlunun bugünki bəyanatını son həftələr döyüş əməliyyatları başlayacağı təqdirdə Azərbaycanın neft-qaz infrastrukturunu məhv edəcəkləri ilə hədələyən erməni zabitlərinin və generallarının ifadələrinə cavab hesab etmək olar. -06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz