Cənubi Qafqazın liberalları Rusiya ilə əlaqələri müzakirə edir
Azərbaycan, Ermənistan və Gürcüstanın liberal liderləri Cənubi Qafqaz problemləri və Cənubi Qafqazın Rusiya ilə əlaqələrini müzakirə etmək üçün Tiflisdə toplanıb, Turan agentliyi yazır.
Azərbaycanı təmsil edən Musavat başqanı İsa Qəmbər deyir ki, tədbirə bazar ertəsi səhərindən start verilib.
Onun BBC Azərbaycancaya dediyinə görə, üç ölkə ilə yanaşı Rusiya və Avropa ekspertlərinin də çıxışları dinləniləcək.
“Bu Almaniyanın Fridrix Nauman Fondunun təşəbbüsü ilə keçirilən ilk tədbir deyil, bir ay əvvəl İstanbulda "Cənubi Qafqazla Türkiyə əlaqələri" müzakirə edilmişdi, bir aydan sonra isə "Cənubi Qafqazla Avropa əlaqələri"nin müzakirəsi planlaşdırılır”, iştirakçı bildirib.
Qarabağa Azadlıq Təşkilatı sədri Akif Nağı bir neçə gün öncə yerli mediaya bu görüşləri “qətiyyətlə pislədiyini” bildirib. Mediada həm də Qəmbərin Ermənistan təmsilçisi ilə təkbətək görüşəcəyi yazılıb.
Musavat qəzeti Nağının sözlərinə istinadən yazır:
“Bu kimi görüşlərin arxasında gizli maraqlar dayanır. İsa Qəmbər deyir ki, biz o görüşlərdə Avropaya inteqrasiyadan söhbət edirik. Bu, ağ yalandır. Söhbət Qarabağla bağlı hazırkı vəziyyəti Azərbaycan cəmiyyətinə qəbul etdirməkdir”, Nağı bildirib.
Musavat rəhbəri bildirib ki, o bu söhbətləri "qeyri-ciddi" hesab edir:
“Bu silsilə şəklində olan ənənəvi tədbirdir, hər hansı bir partiya ilə ayrıca görüş nəzərdə tutulmayıb”
Regionda liberal dəyərlərin reallaşması, regional əməkdaşlıq və mövcud problemlərin həlli yollarının tapılması uğrunda birgə fəaliyyət çağırışları edən bu tədbir ənənəvi xarakter daşıyır.
İki gün davam etməsi planlaşdırılan konfransda Ermənistanı Erməni Ümummilli Hərəkatı, Gürcüstanı isə hazırda hakimiyyətdə təmsil olunan Respublika partiyası təmsil edir.
Musavat Partiyası tədbirə Avropa Liberal Partiyalar İttifaqının üzvü kimi qatılır.
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz