Mətbuat-Monitorinq 31.10.13

Rəsmi və iqtidaryönlü qəzetlər dövlət başçısı İlham Əliyevin Bakıya gələn keçmiş prezidentləri qəbul etməsini, yenidən dövlət başçısı postunda qalması ilə bağlı gələn təbriklərin mətnlərini ilk səhifələrə çıxarıblar. 

“Azadlıq” qəzeti prezident seçkisi öncəsi maaşların 10% artırıldığını xatırladır və bu fonda gələn ildən rəsmiləşəcək bahalaşmaya “10%-lik maaş artımıyla seçkidə satın alınanlara hökumətdən sürpriz” mövqeyi ifadə edir. 

Metro stansiyalarında qəzetin satışına qeyri-rəsmi qadağaların davam etdiyi yazılır. Ekspertlər qəzetə təzyiqlərin arxasında hökumətin dayandığı bəyanatı səsləndirirlər.  

Gömrük Komitəsinin sədri Aydın Əliyev Sumqayıt Baş Gömrük idarəsinin rəsi Ehtiram Xəlilovu vəzifəsindən azad edib. 

Ziya Məmmədovun oğlu Anar Məmmədovun ABŞ-da verdiyi 500 nəfərlik ziyafətə oradakı mənbələr “belə tədbirlər ictimai-siyasi münasibətlərə təsir göstərmir” mövqeyi ifadə ediblər. 

1 saylı cəzaçəkmə müəssisəsində 9 məhbus fiziki, mənəvi təzyiqlərə etiraz olaraq oktyabrın əvvəllərində intihara əl atıb.

“Ekspress” qəzeti yazır ki, Orxan Zeynalovun Moskvada Yuri Şerbakovu qətlə yetirməsilə azərbaycanlılara qarşı başlanan təzyiqlərə Rusiyadakı azərbaycanlılar “O.Zeynalov tək Şerbakovu yox, hamımızı öldürdü” mövqeyi ifadə ediblər. 

“Exo” qəzeti ölkədə problemli kreditlərin həcminin 760 milyon manatdan çox olduğunu bildirir. 

Qəzet ekspertlərə insadən büdcə kəsiri, kommunal xidmətin aşağı maya dəyərinin, büdcə qurumlarının kommunal xidmətlərə xərclərinin artmasının məhz kommunal xidmət və yanacaq tariflərinin artmasına tərəf apardığını yazır. 

“Novoe Vremya” qəzeti nəqliyyat naziri Ziya Məmmədovun oğlu Anar Məmmədovun Vaşinqton ziyafətini “lobbiçilər üçün axşam yeməyi” və rəsmi Bakının Vaşinqtona “sədaqət”ini bəyan etməsi kimi dəyərləndirir. 

“Bizim yol” qəzeti Vergilər Nazirliyinə isnadən Sumqayıtda yanan “Karvan” ticarət mərkəzində nəhəng “vergi” maxinasıyasının aşkarlandığını bildirir. 

Ekspertlərin fikrincə, gələn ilə gözlənilən rəsmi bahalaşma ilə hökumət büdcə kəsirlərini örtməyi nəzərdə tutur.  

“Yeni Müsavat” qəzeti ABŞ Ədliyyə Nazirliyinə isnadən nəqliyyat nazirinin oğlu Anar Məmmədovun “Fabiani Company” lobbi şirkətinə son illərdə üst-üstə 5 milyon dolar ödədiyini yazır, qeyri-rəsmi ödənişlərin isə bundan dəfələrlə çox olduğunu iddia edir. 

Qəzetin yazdığına görə, rəsmi Bakı rayonlar və bölgələr üzrə “qubernatorları”nı dəyişdirir, bu səbəbdən bir çox əvvəlki “qubernator”ların biznesləri risk altına düşür. 

Deputat Arif Rəhimzadə “bizimkilər Rusiyada özlərni yaxşı aparmırlar, ruslar burada elə bir şey eləsəydi, Azərbaycanda bir dənə rus qoymazdılar”, deyə Rusiya hüquq-mühafizə orqanlarının özbaşınalığına bəraət qazandırıb.