“Azəri-Çıraq-Günəşli” yatağında istismar başlayandan bu günə dünya bazarlarına 318 mln ton neft tədarük edilib. Bu barədə ARDNŞ-nin I vitse-prezidenti Xoşbəxt Yusifzadə “Bakıda Norveç günləri” seminarında bildirib.
O qeyd edib ki, hazırda “Azəri-Çıraq-Günəşli”də sutkalıq hasilat 90-100 min ton neft və 35 mln kubmetr səmt qazıdır.
AÇG istismara veriləndən burda 88,7 mlrd kubmetr səmt qazı hasil edilib Yusifzadə həmçinin qeyd edib ki, AÇG-də hasilat başlayandan Bakı-Tbilisi-Ceyhan (BTC) kəməri ilə 230 mln, Bakı-Novorossiysk kəməri ilə 12 mln, Bakı-Supsa ilə 66 mln, dəmir yolu ilə 20 mln ton neft nəql olunub.
AÇG layihəsi çərçivəsində çıxarılan neftin 165 mln tonu Azərbaycanın mənfəət neftidir.
* AÇG-də hasilat 7 noyabr 1997-ci ildə başlayıb.—12D--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz