Bakı/19.11.17/Turan: Azərbaycan Mətbuat Şurası "reket fəaliyyəti" ilə əlaqədar adları qurumun "qara siyahı"sına daxil edilmiş mətbuat orqanları və internet saytları ilə bağlı tədbir görülməsi üçün müvafiq dövlət orqanlarına müraciət ünvanlayb.
Mətbuat Şurası rəsmi məlumatında ""reket" fəaliyyəti ilə məşğul olan KİV-lərlə bağlı MŞ-nin həyata keçirdiyi məqsədyönlü tədbirlər və əldə edilən nəticələrə baxmayaraq, ölkənin informasiya məkanında hələ də sui-istifadə hallarının qalmasından" gileylənir.
Mətbuat Şurası cəmiyyətin müxtəlif təbəqələrinin, ayrı-ayrı vətəndaşların, biznes subyektlərinin, dövlət orqanları nümayəndələrinin haqlı narazılığına səbəb olmuş KİV-lərin fəaliyyətini daim nəzarətdə saxlayır, onların barəsində daxil olmuş müraciətləri ətraflı və obyektiv şəkildə araşdırır və müvafiq qərarlar qəbul edir.
Amma Mətbuat Şurasının qanunun tələblərini pozan, müvafiq tövsiyə və iradlara məhəl qoymayan KİV-lərə bağlı qəbul etdiyi qərarlar ictimai qınaq xarakteri daşıdığına görə, bir çox hallarda gözlənilən nəticəni vermir.
Bununla əlaqədar olaraq, Mətbuat Şurası adları "qara siyahı"ya daxil edilmiş KİV-lərlə bağlı tədbir görülməsi üçün aidiyyəti dövlət orqanlarına müraciət edib.
Məlumatda Mətbuat Şurasının konkret olaraq hansı KİV-lərdən şikayət etdiyi dəqiqləşdirilmir.
Bu həftə bir sıra saytların rəhbərləri Mətbuat Şurasının təşəbbüsü ilə Rabitə Nazirliyi tərəfindən saytların bloklandığını bildiriblər.
Redaktorlar saytların bloklanmasına Mətbuat Şurasının özünün və Prezident Administrasiyasında KİV üzrə kuratorların fəaliyyətini tənqid etmələrinin səbəb olduğunu deyiblər. -06D-
Cəmiyyət
-
Milli Hidrometeorologiya Xidmətinin məlumatına görə, Bakıda və Abşeron yarımadasında yanvarın 15-də hava əsasən dəyişkən buludlu, ara-sıra tutulmalı, ümumən yağmursuz keçəcək. Lakin gecə və səhər saatlarında bəzi yerlərdə çiskin müşahidə oluna bilər.
-
Yanvarın 14-də Ermənistan və Amerika Birləşmiş Ştatları (ABŞ) arasında strateji tərəfdaşlıq haqqında xartiya imzalandı. ABŞ Dövlət katibi Antoni Blinken bu sənədlə bağlı danışarkən vurğulayıb ki, onlar Ermənistanla onun suverenliyi və ərazi bütövlüyünü qorumaq üçün səyləri gücləndirmək üzərində işləyirlər. O, strateji tərəfdaşlıq haqqında sənədin “daha dayanıqlı, dinc, təhlükəsiz və müstəqil” Cənubi Qafqazın yaradılmasına töhfə verəcəyinə əminliyini ifadə edib.
-
Məmnuniyyətlə bildiririk ki, saytın normal fəaliyyəti artıq tam şəkildə bərpa olunub.
-
Kömək üçün Turan agentliyinə müraciət edən və adının açıqlanmasını istəməyən zərərçəkən bildirib ki, 2024-cü ilin iyulunda öz evinin rekonstruksiyası üçün "DREAM CONSTRUCTİON Azerbaijan" şirkəti ilə rəsmi müqavilə bağlayıb: "Bu 58 000 manatlıq müqavilə idi. Mən “Algaplaza”da şirkətin ofisində 44 000 manat ödədim və qalan məbləği də açarları təhvil verərkən ödəmək niyyətində idim.
Rəy yaz