Media Hüququ İnstitutu (MHİ) “Daş yuxular” əsərilə bağlı Əkrəm Əylisliyə basqıları pisləyən bəyanat yayıb. Müəlliflər Ə.Əylisliyə qarşı hökumət səviyyəsində rəsmi təzyiq kampaniyasının onun ailə üzvlərini əhatə etməsinə diqqət çəkir. Ona qarşı telekanallar vasitəsilə ölkə parlamenti və hakim siyasi qruplar səviyyəsində qeyri-etik qaralama kampaniyası aparılmasına diqqət çəkilir.
Rəsmi Bakının təzyiqləri nəticəsində Ə.Əylislinin oğlu və xanımının iş yerlərini itirdiyi vurğulanır. Yazıçının oğlu və xanımı qanunsuz basqı kampaniyasının günahsız qurbanları sayılır.
Yazıçının akademik dram teatrında pyersinin tamaşaya qoyulmasından imtina olunması rəsmi təzyiqlərin tərkib hissəsi kimi dəyərləndirilir.
Belə addımlar hökumətin fərqli sözə və düşüncələrə dözümsüzlüyü, eləcə də ölkədə ifadə azadlığını qoruya biləcək hüquq sistemi və qanunun aliliyinin olmaması kimi qiymətləndirilir. Bu, həm də ölkədə çoxluğun düşüncələrilə üst-üstə düşməyən düşüncə sahiblərinin qanun və azadlıqları qoruya bilməkdə aciz olduğunu göstərir.
Müəlliflər yazıçının bədii ifadə azadlığını boğmağa yönələn çirkin gözdənsalma və təzyiq kampaniyasının davam etdirilməsini, ailə üzvlərinin hüquqlarının yüksək dövlət qurumları tərəfindən açıq-aşkar pozulması ilə müşaiyət olunmasını kəskin pisləyir. -05D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz