Səbail Rayon məhkəməsi Reportyorların Azadlıq və Təhlükəsizlik İnstitutunun direktoru, bloger Mehman Hüseynovun işgəncələrlə bağlı şikayətinə baxacaq, bu barədə Turan-a vəkil Elçin Sadıqov bildirib.
Hakim Aytən Əliyevanın sədrliyi ilə dinləmələr 27 mart saat 16:00-a təyin edilib.
Vəkil xatırladıb ki, bu il yanvarın 10-da bloger barəsində inzibati iş üzrə məhkəmə prosesindən sonra Nəsimi Rayon polis idarəsinin 22-ci polis şöbəsində işgəncələrə məruz qaldığını bəyan edib. O, yanvarın 9-da axşam mülki geyimli şəxslər tərəfindən faktiki olaraq oğurlandıqdan sonra oraya aparılıb.
Bununla əlaqədar olaraq müdafiə tərəfi işgəncə faktının araşdırılması üçün Bakı Şəhər Prokurorluğuna müraciət edib. Amma prokurorluq cinayət işi açmaqdan imtina edib.
İndi müdafiə tərəfi Prokurorluğun bu qərarından məhkəməyə şikayət verib.
Hüseynovun işgəncələrə məruz qalması haqqında bəyanatları ona qarşı xüsusi cinayət ittihamı qaydasında böhtan iddiası irəli sürülməsi üçün bəhanə olub.
İddiaçı Nəsimi Rayon polis idarəsinin rəisi Musa Musayevdir.
Kobud prosessual pozuntular, o cümlədən vəkilə yekun çıxışa hazırlıq üçün vaxt verilməməsi ilə müşaiyət olunan tələsik məhkəmə təhqiqatı zamanı Hüseynov 2 il müddətinə azadlıqdan məhrumetmə cəzasına məhkum edilib.
Bir çox beynəlxalq təşkilatlar Hüseynov barəsində hökmü pisləyiblər və onun blogerlik və hüquq müdafiə fəaliyyətinə görə cəzalandırıldığını hesab ediblər. -06D-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz