Paris Dağlıq Qarabağ münaqişəsinin nizamlanması çərçivəsində Azərbaycan və Ermənistan prezidentləri İlham Əliyev və Serj Sarkisyan arasında danışıqlar üçün görüş təşkil etməyə hazırdır. Bu barədə Fransa XİN rəhbəri Jan-Mark Ero bildirib.
"Fransa Rusiya və ABŞ-la birlikdə ATƏT-in Minsk Qrupunun həmsədridir və Ermənistan və Azərbaycan arasında münaqişənin dinc yolla həllinə çalışır. Mən prezident Fransua Ollandın hər iki ölkənin liderləri ilə görüşündə (martda) iştirak etmişəm. Olland Fransanın Dağlıq Qarabağ münaqişəsinin həllinə yardım etməyə hazır olduğunu bir daha bəyan edib", deyə AzərTAc agentliyi J-M.Erodan sitat gətirir.
Onun sözlərinə görə, münaqişə dinc yolla həll olunmalıdır.
"Tərəflər danışıqlar aparmaq istəyirlərsə və sülh müqaviləsi imzalamağa hazırdırlarsa, Fransa belə bir görüş təşkil etməyə hazırdır. Mövcud status-kvo vəziyyəti çətinləşdirir, amma münaqişə diplomatiyasının yolu ilə həll olunmalıdır.
Münaqişə həll olunana qədər Fransa vasitəçi rolunu yerinə yetirməyə hazırdır", deyə XİN başçısı qeyd edib.-0-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz