Milli Məclisin iclasında

Parlamentin bugünkü iclasında bəzi qanun layihələri müzakirə edilərək qəbul olunub. Sənədlərin arasında “Nüvə materialının fiziki mühafizəsi haqqında" Konvensiyaya düzəlişin təsdiq edilməsi haqqında" qanun, Azərbaycan Cinayət Məcəlləsinə düzəliş və “Güclü təsiredici maddələrin, həmçinin zəhərli maddələrin  siyahısının təsdiq edilməsi haqqında” qanun layihəsini ayrıca qeyd etmək lazımdır.

Güclü təsiredici maddələrin siyahısına 81 maddə daxil edilib. İlan zəhəri olan maddələrin siyahısına 22 adda maddə daxildir. Qeyddə deyilir ki, siyahıda göstərilən bütün dərman  formaları (qatışıq və mayelər) istehsal edildiyi firmadanasılı olmayaraq güclü təsiredici maddələrə aiddir.

Bundan əlavə, nağd hesablaşma ilə pivənin topdansatışı (50-dən 1 min manatadək dəyərində) qadağan edilib. 

Qanunun yekun qəbulundan sonra aksiz markası ilə markalanmağa şamil edilən iri məhsul partiyasının satışına və ya təkrar satış üçün əldə edilməsinə görə 1 mindən 2 min manatadək cərimə və ya icbari iş,  hətta 1 ilədək müddətə azadlıqdan məhrumetmə cəzası tətbiq ediləcək.

Nağd ticarət sövdələşməsi  1 min manatı ötərsə icbari iş və ya 2 ilədək müddətə azadlıqdan məhrumetmə cəzası nəzərdə tutulur. --17D—