Bakı/11.03.14/Turan : Milli ordunun əsgəri Kamran Cəlilov avtomat silahla özünü güllələyib. Hadisə NMR ərazisindəki hərbi hissələrdən birində baş verib. Əsgər hərbi hospitala yerləşdirilib. Onun vəziyyətinin ağır olduğu bildirilir.
Müdafiə Nazirliyinin mətbuat xidmətinin məlumatına görə, hadisə əsgərin silahla davranışı zamanı təhlükəsizlik qaydalarını pozması nəticəsində baş verib.
Faktla bağlı Hərbi Prokurorluq tərəfindən cinayət işi açılıb, araşdırma aparılır.
Əsgər K.Cəlilov Lənkərandan həqiqi hərbi xidmətə çağırılıb.
Bu ilin əvvəlindən Azərbaycanın müdafiə və təhlükəsizlik sektorunun itkiləri 28 nəfər təşkil edib. Daha 36 nəfər isə yaralanıb və ya bədən xəsarəti alıb. Bu barədə “Doktrina” Jurnalistlərin Hərbi Araşdırmalar Mərkəzi bildirib.-16D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz