![Mingəçevirdə şagirdlərin kütləvi hepatit xəstəliyinə yoluxduğu bildirilir](https://turan.az/resized/news/2023/Bv9fvPOpslotKJ86NnakETUvuqKjOLgZZX6IZFDr-750-500-resize.webp)
Mingəçevirdə şagirdlərin kütləvi hepatit xəstəliyinə yoluxduğu bildirilir
Mingəçevirdə şagirdlərin kütləvi hepatit xəstəliyinə yoluxduğu bildirilir.
Məsələ ilə bağlı TƏBİB-dən Turana bildirilib ki, 4-ü oğlan, 2-si qız olmaqla 6 nəfər Mingəçevir Şəhər Mərkəzi Xəstəxanasının Uşaq şöbəsinə müraciət edib: "Onlara dəqiqləşdirilməmiş kəskin virus hepatiti diaqnozu qoyulub və zəruri tibbi xidmətlər göstərilib. Onların hər biri Kliniki Tibbi Mərkəzin nəzdindəki Ə.F.Qarayev adına 2 nömrəli Kliniki Uşaq Xəstəxanasına təxliyə olunub və müalicələri davam etdirilir".
Qurumdan qeyd olunub ki, müraciət edən azyaşlı xəstələrin 1-nin vəziyyəti ağır, 5-nin isə stabil olaraq qiymətləndirilir.
Mərkəzi Aran Regional Təhsil İdarəsindən isə Turana bildirilib ki, “Hepatit A” virusuna yoluxmuş şagirdin biri Mingəçevir şəhər 8 nömrəli tam orta məktəbin şagirdi, ikisi Mingəçevir şəhər R.Muradov adına Texniki humanitar liseyin şagirdi, digər üçü isə işğaldan azad olunmuş rayonların yerlərdə fəaliyyət göstərən ümumi təhsil müəssisələrində təhsil alan şagirdlərdir.
Təhsil İdarəsindən qeyd olunub ki, Mingəçevir şəhər Mərkəzi Xəstaxanasından verilən məlumata əsasən, hazırda uşaqlar dünən axşam radələrində Bakı şəhər Gigiyena və Epidemiologiya Mərkəzinə qaldırılıb və səhhətləri orta stabil olaraq qiymətləndirilir: "Həmçinin şagirdlərin səhhəti və sağlamlıq durumu barədə tərəfimizdən mütəmmadi olaraq maraqlanılır. Mərkəzi Aran Regional Təhsil İdarəsi sözügedən məsələ ilə bağlı şagirdlərin, eyni zamanda vətəndaşların gigiyena qaydalarına riayət etmələri və virusdan qorunmağa çağırır".
-
- Cəmiyyət
- 17 Noyabr 2023 12:49
-
- İqtisadiyyat
- 17 Noyabr 2023 13:28
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz