Mingəçevirdə yerli sakinin polisdə dünyasını dəyişməsindən sonra gərginlik

Mingəçevirdə polis idarəsində yerli sakin Bəhruz Hacıyevin ölümü onun qohumlarının qəzəbinə səbəb olub.

Yerli mənbələrin məlumatına görə, Hacıyevlə birlikdə daha iki nəfər saxlanılıb. Lakin saxlanılanların doğmaları və yaxınları polis qarşısında toplandıqdan sonra saxlanılan üç nəfərdən ikisi buraxılıb.

Növbəti gün məlum olub ki, B.Hacıyev 3-cü mərtəbədən özünü atıb və həlak olub. DİN-in mətbuat xidməti iddia edir ki, saxlanılan özü dindirmə zamanı özünü atıb, ekspertiza isə təsdiq edib ki, onun cəsədində işgəncə izləri olmayıb.

Polis Hacıyevi və digər iki şəxsi narkotikdən istifadədə şübhəli bilərək saxlayıb.

Polisin şübhələrinin nə dərəcədə doğru və inandırıcı olduğu məlum deyil, amma Hacıyevin qəribə şəraitdə ölməsi faktı göz önündədir.

Mərhumun dəfni avqustun 22-də keçiriləcək. Baş verənlər fonunda şəhərdə polisin əməllərindən narazılıq artır. Buna mərhumun cəsədinin şəkilləri səbəb olur, doğmalarının iddiasına görə, şəkillərdə işgəncə izləri görünür. -05B-