![X.İsmayılovanın 9 il müddətinə həbs edilməsi çağırışına beynəlxalq reaksiya](https://turan.az/resized/750/500/resize/media/2015/main/082100127019.jpeg)
X.İsmayılovanın 9 il müddətinə həbs edilməsi çağırışına beynəlxalq reaksiya
“Dövlət ittihamçısının jurnalist Xədicə İsmayılovanın 9 il müddətinə azadlıqdan məhrum edilməsi vəsatəti haqqında məlumat kədərləndirici, amma gözlənilən xəbər idi”, deyə Avropa Şurasının insan hüquqları üzrə komissarı Nils Mujnieks Turan agentliyinə bildirib.
İsmayılova saxta ittihamlarla cinayət təqibinə məruz qalan fəallar və jurnalistlərin uzun siyahısında növbəti qurbandır, o belə hesab edir.
Mujnieks məhkəmə orqanlarını prokurorlun təklifini təkzib etməyə və beynəlxalq normalara riayət etməyə çağırıb.
“Bu, Azərbaycanın ədalətli mühakimə sisteminə etibarın bərpa edilməsinə yol aça bilərdi”, deyə o bildirib.
Öz növbəsində, “Sərhədsiz reportyorlar” beynəlxalq jurnalistləri müdafiə təşkilatı da prokurorun İsmayılova barəsində çıxışını pisləyib.
“Bu, o dərəcədə qəzəbləndirici və mənasızdır ki, açıq-aşkar siyasi olan bu proses bir il başlamış müstəqil KİV-in təqibi dalğasının rəmzinə çevrilir”, SR baş katibi Kristof Delor belə hesab edir.
O, beynəlxalq ictimaiyyəti İsmayılovanın işi üzrə prosesi pisləməyə, Azərbaycan hökumətindən beynəlxalq öhdəliklərinə riayət etməyi və İsmayılovanı qeyd-şərtsiz azad etməyi tələb etməyə çağırıb.
Qapalı proses keçirilməsi açıq-aşkar ədaləti təkzib etmək məqsədilə düşmənçiliyin nümayişi oldu. İsmayılovanı tezliklə barmaqlıqlar arxasına göndərmək üçün hakimlər, demək olar ki, müdafiə tərəfin bütün vəsatətlərini təmin etmir, ittihamın absurdluğunu ifşa edən dəlillər təqdim etmək cəhdlərinin qarşısını alır, deyə SR-in bəyanatında bildirilir.
İsmayılovanın ailəsinin və dostlarının məhkəmə zalına çıxışı yer olmaması bəhanəsi ilə məhdudlaşdırılıb, baxmayaraq ki, zal xüsusi olaraq yığılmış insanlarla dolu olub.
İsmayılova hökumətin yüksək səviyyəsində korrupsiyanın işıqlandırılması və hakim ailə üzvlərinin buna cəlb edilməsinin ifşası ilə məşhurdur. Bir neçə yəzyiq və qorxutma cəhdlərindən, o cümlədən intim həyatından videokadların yayılması vasitəsilə şantajdan sonra İsmayılova 2014-cü il dekabrın 5-də həbs edilib.
Prokurorun çıxışını Human Rights Watch hüquq müdafiə təşkilatının nümayəndəsi də pisləyib, İsmayılovanı dərhal azad etməyə çağırıb. -16D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz