Mirvari Qəhrəmanlını hədələyirlər
Neftçilərin Hüquqlarını Müdafiə Komitəsinin sədri Mirvari Qəhrəmanlı dekabrın 26-da Səngəçalda qaz kəmərində partlayışa görə hakimiyyəti tənqid etdikdən sonra ünvanına hədələr aldığını bildirir.
O, Turan-ın müxbiri ilə söhbətində qeyd edib ki, əvvəllər də hədələr alıb. Amma boru kəmərində partlayışdan sonra hədələr sistemli xarakter daşıyır.
“Hələlik ad çəkməyəcəyəm, amma mənə qarşı sosial şəbəkələrdə kampaniya aparılır. Məndən neft hasilatı sahəsində qəzalar haqqında danışmamağı, yalnız SOCAR-ı öyməyi tələb edirlər.
Mənə bildirirlər ki, qəzalar və siyasi məhbuslar haqqında yazdıqlarımın hamısı prezident administrasiyasına çatdırılır”, deyə Qəhrəmanlı bildirib.
O, hədələrin arxasında dövlət məmurlarının durduğunu istisna etmir.
“Mən daim hakimiyyətin neft strategiyasını, neftçilərin pis şəraitini tənqid edirəm. Qəzalarda və insan tələfatında məmurları təqsirli görürəm, habelə gənc fəalların əsassız həbslərini tənqid edirəm”, deyə Qəhrəmanlı bildirib.
O qeyd edib ki, hələlik hədələrlə bağlı rəsmi şikayət verməyəcək, amma hədələr kəsilməsə, bunu edəcək.
SOCAR-ın mətbuat xidmətinin rəhbəri Nizaməddin Quliyev Turan-ın hədələri şərh etmək xahişinə cavabda bildirib ki, bu məsələnin Dövlət Neft Şirkəti ilə əlaqəsi yoxdur, ola da bilməz. -06D-
-
- İqtisadiyyat
- 6 Yanvar 2017 12:19
-
- İqtisadiyyat
- 6 Yanvar 2017 12:37
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz