Bakı/09.03.20/Turan: DİN-in Mütəşəkkil Cinayətkarlığa qarşı Mübarizə Baş İdarəsinin həyata keçirdiyi əməliyyat zamanı tibbi maskaların satışında möhtəkirlik və onların qaçaqmalçılıq yolu ilə xaricə aparılması faktları aşkar edilib.
DİN-in məlumatına görə, İran vətəndaşları Bahadur Davud, Moenifard Seyidməhəmməd və Saviz Amiryusif külli miqdarda tibbi maska satmaq istəyərkən saxlanılıb.
Bundan başqa, Çin vətəndaşlarının kirayə yaşadıqları mənzildə qaçaqmalçılıq yolu ilə Çinə göndərilməsi planlaşdırılan külli miqdarda tibbi maska müsadirə edilib.
Çin vətəndaşlarını külli miqdarda tibbi maska ilə təmin etməkdə şübhəli bilinən paytaxt sakini Arif İsmayılov da saxlanılıb.
Eyni zamanda, tibbi maskaları real qiymətindən dəfələrlə baha qiymətə satan Azərbaycan vətəndaşları Elvin Balamətov, Elşən Ələkbərov, Aslan Musayev, Şahin Fərzəliyev və Vaqif Mehbalıyev saxlanılıb.
Polis ümumilikdə 1 milyondan çox tibbi maska müsadirə edib. Araşdırma aparılır, deyə DİN qeyd edir. –06D-
Cəmiyyət
-
Yanvarın 30-da Bakıda aydınlaşdırma ilə buludlu olacaq, gün ərzində Abşeron yarımadasında az yağıntı ola bilər. Külək cənub-şərq olacaq. Gecə havanın temperaturu +4 - dən +7c-ə, gündüz isə +8-dən +12C-ə qədər olacaq.havanın rütubəti 70-80% olacaq.
-
Azərbaycan hakimiyyəti keçmiş Rusiya hakimi Yelena Xaxalevanı Bakı Beynəlxalq Hava Limanında saxlayıb. Bu barədə məlumat Rusiyanın Baş Prokurorluğuna və Daxili İşlər Nazirliyinə təsdiqlənib. Saxlanılma xəbəri ilk olaraq Kommersant və İzvestiya tərəfindən mənbələrə istinadən yayımlanıb və daha sonra RIA Novosti və TASS vasitəsilə hüquq-mühafizə orqanlarından təsdiq alıb.
-
Yanvarın 29-da Bakıda və Abşeron yarımadasında hava dəyişkən buludlu olacaq, əsasən yağıntısız olacaq. Mülayim cənub-şərq küləyi əsəcək. Havanın temperaturu gecə müsbət 3+6, gündüz müsbət 8+13 dərəcə olacaq. Rütubət 70-80 faiz olacaq.
-
Gənclər ətraf mühitin mühafizəsinə yönəlmiş texnoloji həllərini təqdim ediblər Yanvarın 18-də Oxbridge Academy-də Azercell və “Eventify” şirkətinin birgə təşkilatçılığı ilə “Dayanıqlı İnkişaf” hakatonu baş tutub. Layihə gənclərə potensiallarını reallaşdırmağa imkan yaratmaq, eləcə də ətraf mühitin qorunmasına yönəlmiş texnoloji həlləri ərsəyə gətirmək məqsədini daşıyıb. Tədbir həmçinin startap ekosisteminin inkişafına töhfə verərək iştirakçılara öz innovativ ideyalarını həyata keçirmək üçün effektiv platforma rolunu oynayıb.
Rəy yaz