Bakı/09.03.20/Turan: Brent markalı neftin bir barelinin qiyməti 31,27 dollara düşüb. Martın 7-də hərracın sonunda neftinin bir bareli 45,54 dollardan satılırdı.
Brent markalı neftin may fyuçerslərinin qiyməti, hərracın nəticələrindən göründüyü kimi, bir gecədə bareli təxminən 14 dollar ucuzlaşaraq, 31,27 dollara qədər düşüb.
Martın 7-də hərrac başa çatdıqda Şimal Dənizi neftinin bir bareli 45,54 dollara satılırdı. Martın 9-da səhər saatlarından neft bazarında panika, bir qədər azalsa da, davam edir. Belə ki, neft sövdələşmələrində fyuçerslər 26,5% düşərək, bir barel üçün 33,3 dollar təşkil edib. Amerikanın WTI nefti ilə bağlı fyuçers sövdələşmələri 27,5% ucuzlaşaraq, 29,8 dollardan satılır.
Azərbaycanın Azeri Light neftinin qiyməti Brent markasına bağlıdır və adətən ondan 1-1,5 dollar baha olur.
Qiymətin bu qədər kəskin düşməsi Azərbaycanın gəlirlərinə təsir edəcək, ölkənin dövlət büdcəsində neftin bir barelinin qiyməti 55 dollar səviyyəsində götürülüb. -02D-
Dünyada
-
Cənubi Koreyanın yüksək rütbəli rəsmisi cümə günü bildirib ki, Rusiya Şimali Koreyanı öz qoşunlarını Rusiyanın Ukraynaya qarşı hərbi əməliyyatlarına iştirakı üçün göndərməsi müqabilində hava hücumundan müdafiə raket sistemləri ilə təmin edib.
-
Rusiya Xarici İşlər Nazirliyinin mətbuat katibi Mariya Zaxarova cümə axşamı bildirib ki, Rusiya Ukraynadakı münaqişənin həlli üçün Rusiyanın öz maraqlarını və yerdəki vəziyyəti nəzərə alan istənilən "real" sülh təşəbbüsünü nəzərdən keçirməyə hazırdır.
-
Prezident Vladimir Putin cümə axşamı bildirib ki, Birləşmiş Ştatlar və Britaniya Ukraynaya silahları ilə Rusiyaya hücum etməyə icazə verdikdən sonra Ukraynadakı müharibə qlobal münaqişəyə çevrilir və Moskvanın cavab zərbəsi endirə biləcəyi barədə Qərbə xəbərdarlıq edib.
-
Rusiya Prezidenti Vladimir Putin cümə axşamı Ukraynanı Qərb tərəfindən təmin edilmiş uzaqmənzilli raketlərdən istifadə edərək Rusiya ərazisinə hücum etməkdə ittiham edib. Buna cavab olaraq, Moskva “Fındıq” adlandırılan yeni orta mənzilli raket sistemini sınaqdan keçirib.
Rəy yaz