D18 Hərəkatı ofisindən çıxarılıb
D18 Hərəkatı martın 8-də yerləşdiyi ofisdən çıxarılıb.
Bu barədə məlumatı Amerikanın Səsinə hərəkatdan bildiriblər.
Ofisdən çıxarılmanın səbəbini polis koronavirus təhlükəsi ilə izah edib.
D18 Hərəkatının rəhbəri Ruslan İzzətli deyib ki, martın 8-də səhər saatlarından axşamadək ofisləri polis mühasirəsində olub:
“Səhər mən xəbər alandan sonra ofisə gəldim, ardınca biri mülki geyimli olmaqla 3 polis yaxınlaşdı. Biri özünü 18-ci Polis Bölməsinin əməliyyat müvəkkili kimi təqdim etdi, adı Ruslan idi. O ofisi təcili tərk etməmizi istədi və səbəbin koronavirus olduğunu dedi. Polis zabitinə bildirdim ki, onda bankları və ticarət obyektlərini də bağlamaq lazımdır. Mən ona özümüzün ofisi dizinfeksiya etdiyimizi söyləsəm də, polis əməkdaşı təcili ofisi tərk etməmizi təkrarladı”.
Ruslan İzzətli polisin koronavirusla bağlı dediklərini bəhanə adlandırır və 2-3 gündür izləndiyini iddia edir.
Ruslan İzzətli qarşıdurmaya getmək istəmədikləri üçün az əvvəl binadan çıxdıqlarını bildirir.
Hadisə yerində sosial media üzərindən canlı yayım verən jurnalist Təzəxan Mirələmlinin işinə də polis müdaxilə edib. Nəticədə canlı yayım yarımçıq dayandırılıb.
Daxili İşlər Nazirliyindən deyilənlərə hələlik münasibət öyrənə bilməyib.
-
- Dünyada
- 9 Mart 2020 12:11
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz