Polis “Restrukt” neonasist hərəkatının üzvü olan üç moskvalı tələbəni həbs edib. Onlar iyunun əvvəlində Moskvanın Sviblovo rayonunda Azərbaycan vətəndaşının öldürülməsində ittiham olunurlar.
RF İstintaq Komitəsinin Baş İstintaq İdarəsinin mətbuat xidməti bildirib ki, Moskvanın ali məktəblərində təhsil alan 17, 20 və 23 yaşlı gənclər 37 yaşlı Zaur Alışovun qətlində ittiham olunurlar.
İki neonasistin adları məlumdur: Kiril Filatov və Andrey Makarov. Üçüncünün adı gizli saxlanılır, çünkü yeniyetmədir.
Qeyd edək ki, Z.Alışova gündüz saatlarında adamların çox olduğu yerdə hücum edilib. 10-a yaxın adam onu döyüb, yol gedənlər isə sakitcə ötüb keçiblər.
İki nəfər isə evin damına çıxaraq baş verənləri müşahidə edib. Döydükdən sonra hücum edənlərdən biri zərərçəkənin çantasını oğurlayıb və aradan çıxıblar.
Z.Alışov aldığı yaralardan xəstəxanada vəfat edib.
* “Restrukt” hərəkatı neonasist və videobloger “Tesak” ləqəbli Maksim Marsinkeçiv tərəfindən yaradılıb. O, nifrətin təbliğinə və insan ləyaqətinin alçaldılmasına görə dəfələrlə məhkum olunub. “Restrukt” özünü milli-sosializm ideologiyasına əsaslanan təşkilat kimi təqdim edir və milli-sosialist dövlət quruluşunu əsas məqsədi sayır.-02D-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz