![Nə əcəb, DİN ABŞ Dövlət Departamentinin hesabatından razı qalıb?](https://turan.az/resized/750/500/resize/media/2014/main/062500082516.gif)
Nə əcəb, DİN ABŞ Dövlət Departamentinin hesabatından razı qalıb?
Azərbaycan Daxili İşlər Nazirliyi ABŞ Dövlət Departamentinin insan alverilə bağlı açıqladığı hesabatında Azərbaycanla bağlı hissəyə münasibət ifadə edən açıqlama yayıb.
Açıqlamada hesabatda insan alveri sahəsində mübarizə ilə bağlı Azərbaycan hüquq-müahizə orqanlarının, o cümlədən DİN-in fəaliyyəti barədə müsbət məqamlar bir daha xatırladılır. İnsan alverinə qarşı mübarizədə qanunvericilik, qurbanların sığınacaqlara yerləşdirilməsi, psixoloji, maddi yardımların göstərilməsi, işlə təmin olunmaları, profilaktik tədbirlər sahəsində görülən işlər sadalanır. Bu sahədə QHT-lərlə birgə fəaliyyət göstərilməsi vurğulanır. İnsan alverinə qarşı mübarizə ilə bağlı 44 şəhərdə maarifləndirmə işinin aparıldığı qeyd edilir.
Açıqlamada insan alveri cianyətlərinə qarşı aparılan mübarizə də əksini tapır. 2013-cü ildəki əməliyyаt-ахtаrış tədbirləri nəticəsində 17 cinayət işi üzrə 80 insаn аlvеri, 4 cinayət işi üzrə 4 məcburi əmək faktının qeydə alındığı deyilir. İnsan alveri cinayətlərilə bağlı 17 nəfər (14 qadın, 3 kişi) cinayət məsuliyyətinə cəlb olunub, insan alveri qurbanı olan 56 nəfər (41-i qadın, 15-i kişi) müəyyən edilib. Hesabat dövründə keçirilən əməliyyat-axtarış tədbirləri nəticəsində axtarışda olan 17 insan alverçisindən 5-i tutulub.
2014-cü ilin I rübündəki əməliyyаt-ахtаrış tədbirləri nəticəsində isə 103 cinаyət fаktı qеydə аlınıb, bunlаrdаn 36-ı insаn аlvеri (11 cinayət işi üzrə), 33-ü fаhişəliyə cəlbеtmə, 33-ü əхlаqsızlıq yuvаlаrı sахlаmаqla bağlıdır. İnsan alveri cinayətləri törətdiklərinə görə 3 nəfər (2 qadın, 1 kişi) cinayət məsuliyyətinə cəlb edilib və insan alveri qurbanı olan 16 nəfər (hamısı qadın) müəyyən olunub.
Sənəddə deyilir ki, hesabatda ABŞ Dövlət Departamenti insan alverinə qarşı mübarizə fəaliyyətinə dair tövsiyələr verib ötənilki hesabatda Azərbycana verlən 14 tövsiyədən 8-i 2014-cü il hesabatında eyni ilə təkrarlanıb. Bu tövsiyələr miqrantların məcburi əməyə məruz qalmasını önləmək, insan alveri qurbanları üçün xidmət şəbəkəsini genişləndirmək, insan alveri ilə bağlı miqrant işçilər üçün maarifləndirmə tədbirlərini təşkil etmək və s. bağlıdır.
Son olaraq açıqlamada bəzi KİV-lərdə ölkədə insan alverinin çiçəklənməsi, bu cinayətlərə qarşı səmərəli mübarizə aparılmaması kimi yazılar qərəz, böhtan və sifariş adlandırılır. “Buna baxmayaraq, ABŞ Dövlət Departamentinin hesabatı göstərilən bu sahədə ölkəmizdə məqsədyönlü tədbirlərin həyata keçirildiyini, həmin yöndə irəliləyişin olduğunu təsdiqləyir”, - DİN-in açıqlamasında bildirilir.-05D-
-
- Cəmiyyət
- 25 İyun 2014 12:38
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz