“Baker Tilly Azerbaijan” «Kapital bazarının müasirləşdirilməsi» layihəsinin auditini keçirib. Hesabata əsasən, 2012-2013-cü illərdə layihə çərçivəsində $4 mln 869,3 min xərclənib. Amma bazar onun faydasını hiss etmir.
Vəsaitin çoxu ($3,7 mln) AYİB tərəfindən məsləhət xidməti, o cümlədən audit və təlim haqqı kimi ödənilib. Bu məqsədlə İsveçrə hökumətinin $214,1 min qrantı xərclənib. Azərbaycan hökuməti ƏDV ödənişini maliyyələşdirir. İki ildə o, $657,6 min təşkil edib.
Layihənin məsləhətçisi xarici şirkətdir. Yerli şirkətlər bildirir ki, bu işi daha ucuz qiymətə və daha keyfiyyətli görmək olardı.
A komponentinin həyata keçirilməsi üçün (bazar infrastrukturunun təkmilləşdirilməsi və avtomatlaşdırılması) $1,5 mln. O cümlədən bazara məsləhət qrupunun formalaşdırılması üçün 196 min, mərkəzi depozitar və post-ticarət əməliyyatlarının vahid platformasının yaradılması üçün $320,2 min, depozitarın fəaliyyətinin genişləndirilməsi üçün $159,1 min, bazarın səviyyəsinin avtomatlaşdırılması üçün $315,2 min xərclənib.
Bazar zəmanət mexanizmi yaradılması və birjadankənar əqdlərin azaldılması üçün $550 min xərclənib. QK bazarı iştirakçıları anlamırlar, məsləhətçilərin işi nədən ibarət olub. Məsələ burasındadır ki, bu dövrdə birjadankənar əqdlər azalmayıb, artıb.
İkinci komponent (hüquqi və tənzimləyici bazanın təkmilləşdirilməsi və gücləndirilməsi) $711,5 min xərclənib. Hesabata əsasən, «Qiymətli kağızlar bazarı haqqında» qanunun qəbuluna kömək 2012-2013-cü illərdə $178,3 minə başa gəlib. Amma qanun layihəsinə MM-də nə vaxt baxılacağı məlum deyil.
Bazarda təklifin stimulaşdırılmasına $425 min, o cümlədən Bakı Fond Birjasında listinqin təşkilinə $106,7 min yönəldilib. Amma BFB-də öz səhmlərinin kotirovkasını istəyən ikinci şirkətin nə vaxt peyda olacağı gizli saxlanılır.
D komponenti çərçivəsində (vərdişlərin artırılması) $1 mln 155,6 min, o cümlədən Təlim Mərkəzinin yaradılması üçün $409,3 min ayrılıb. Bu mərkəz plan əsasında işləyir. Dinləyicilərin sayı açıqlanmır. 2012-2013-cü illərdə QKDK «kapital bazarı haqqında ictimai məlumatlandırmanın təkmilləşdirilməsi» üçün $142 min xərcləyib. Hansı işin görüldüyü məlum deyil. Jurnalist və tələbə müsabiqələrindən başqa ictimaiyyətin heç nə hiss etməyib.
«Kapital bazarının müasirləşdirilməsi» layihəsi “Azərbaycanda qiymətli kağızlar bazarının inkişafı” (2011-2020-ci illər) dövlət proqramı çərçivəsində hazırlanıb. O, 2015-ci ilin sonunda başa çatır. DB layihə üçün $12 mln ayırıb. İsveçrə hökuməti $1,6 mln maliyyə yardımı edib. Yerli hökumət isə $2,3 mln ayırıb. 08B
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz