![Motoşou ilə bağlı avtomobillərin hərəkəti məhdudlaşdırılacaq](https://turan.az/resized/750/500/resize/media/2013/main/052500037524.jpg)
Motoşou ilə bağlı avtomobillərin hərəkəti məhdudlaşdırılacaq
25 may saat 17:30-da “Azadlıq” meydanında keçiriləcək motosiklet yarışları ilə bağlı mərkəzi küçələrdə nəqliyyatın hərəkətinə tam məhdudiyyət qoyulacaq.
Bakı Şəhər Dövlət Yol Polisinin ictimaiyyətlə əlaqələr şöbəsinin rəisi Vaqif Əsədovun verdiyi məlumata görə, həmin vaxtda “Azadlıq” meydanı istiqamətində, Rəşid Behbudov küçəsi ilə Neftçilər prospektinin kəsişməsində, “Azadlıq” prospekti ilə Zərifə Əliyeva küçəsinin kəsişməsindən, Puşkin küçəsinin Üzeyir Hacıbəyov küçəsinin kəsişməsində, Zərifə Əliyeva və Zorge küçələrinin kəsişməsində avtomobillərin hərəkətinə tam məhdudiyyət qoyularaq istiqamət dəyişdiriləcək.
Bakı Şəhər Dövlət Yol Polisi İdarəsi əhalidən göstərilən istiqamətdə şəxsi avtomobillərdən istifadə olunmamasını xahiş edir.
Motosiklet yarışı Azərbaycan Gənclər və İdman Nazirliyinin "Red Bull" şirkəti ilə birgə əməkdaşlığı çərçivəsində keçirilir. -16D-
-
- Sual-cavab
- 25 May 2013 12:23
-
- Siyasət
- 25 May 2013 13:18
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz