QHT sektoru ilə bağlı Azərbaycandakı mövcud durumu bu sektorun müstəqilliyinin əlindən alınması kimi dəyərləndirmək olar. Neftçilərin Hüquqlarını Müdafiə Komitəsinin (NHMK) sədri Mirvari Qəhrəmanlı bunu Turan-a şərh edib.
“Ölkənin demokratikləşdirilməsi sütunları olan siyasi partiyalar, müstəqil mətbuat, müstəqil QHT-lər sıradan çıxarılır, bu halda hökumət düşünməlidir ki, bu boş qalan meydana hansı qüvvələr çıxa bilər?”, -deyə o, bu sahədə durumun qorxulu istiqamətə getdiyini bildirib.
M.Qəhrəmanlı PA hüquq-mühafizə orqanları ilə iş üzrə şöbəsinin müdiri Fuad Ələsgərovun QHT sektorundakı durumla bağlı “Azərbaycan” qəzetinə açıqlamasına da şərh verib. O bildirib ki, bu sahədə qanunvericiliyin sərtləşdirilməsi şəffaflığı və QHT - dövlət münasibətlərinin sadələşdirilməsini təmin etməyib. Hüquq müdafiəçisinə görə, mövcud qanunvericilik əslində QHT sektorunun çöküşünə start verib.
Vətəndaş cəmiyyəti institutlarının geniş maarifləndirmə, hüquqi yardım, insan haqlarının təmin olunması işi apardığını deyən M.Qəhrəmanlı bundan sonra cəmiyyətin belə yardımlardan məhrum olunduğunu söyləyib. F.Ələsgərovun QHT-ləri Azərbaycan hökimətinin maliyyələşdirəcəyi haqda mövqeyinə cavab verən M.Qəhrəmanlı hökumətin ayırdığı maliyyə vəsaitlərilə irihəcmli layihələri icra etməyin qeyri-mümkün olduğunu nəzərə çatdırıb.
Şəffaflığa gəlincə isə, M.Qəhrəmanlı qeyri-şəffaf QHT-lərin fəaliyyətlərini davam etdirəcəklərini, maneələrin şəffaf işləyən qurumlara yaradıldığını söyləyib.
“Şəffaf şəkildə fəaliyyət göstərmişik, amma bu ilin yanvar ayından bu yana bank hesablarımıza həbs qoyulub, maliyyə vəsaitlərimizi götürə bilmirik, məgər şəffaflıq belə təmin edilir?”, - deyə hüquq müdafiəçisi qeyd edib.
O, cəmiyyəti faəliyyətilə demokratikləşdirmə istiqamətinə aparan vətəndaş cəmiyyəti institutları sıradan çıxdıqca, bu qurumların yerlərini radikal qüvvələrin tuta biləcəyi xəbərdarlığı edib. -05B-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz