Vahid Əhmədov: Bankirlər hesabat verməlidirlər

Çərşənbə günü parlamentin axşam iclasında 2015-c il dövlət büdcəsi layihəsi üzrə müzakirələr davam edib.

Deputat Vahid Əhmədov ondan əvvəl qaldırılmış “insanları əsarət altına almış” kommersiya bankları mövzusunu dəstəkləyib.

“Banklar əmanətlərin sığortasını 12%-dən 10%-ə qədər azaldıblar, həm də yalnız 30 min manata qədər olan əmanətlər sığortalanır, nəticədə onlar ildə 5 mln. manat qazanır. Biz əmanətlərin sığortası haqqında qanunu buna görə qəbul etmişik? İnsanlar qəzəblənirlər. Biz parlamentdə bankirləri dinləməli və onların niyə belə etdiyini aydınlaşdırmalıyıq.

İpoteka krediti proqramı işləmir, insanlar 10-15 illərlə mənzil növbəsində dururlar, dövlət əhalinin mənzillə təmin edilməsi proqramı qəbul etməlidir”, deyə Əhmədov bildirib.

O, yeni dövlət büdcəsində həkimlərin və müəllimlərin əmək haqqında artımın əvvəlki məbləğin cəmi 0,6%-nə bərabər olacağından qəzəbini ifadə edib.

“Təhsil naziri maliyyə naziri ilə görüşüb və bununla bağlı söhbət edib. Onlar büdcə işçilərinin əmək haqqını necə qaldırmağı düşünürlər?”, deyə deputat sual edib.

O, dövlətin əlavə olaraq 40 mln. manat əldə etməsinə imkan verəcək reklam haqqında qanunun qəbulunu sürətləndirməyin tərəfarı olduğunu bildirib. “Bu qanun sahəni şəffaflaşdıracaq”.

Əhmədov 2 mlrd. manat dəyərində meqaproqramlar həyata keçirən bəzi nazirliklərin qeyri-şəffaf olduğunu bildirib. Bunu Hesablama Palatası nizamlamalıdır, deyə o bildirib.

Onun fikrincə, neftin qiymətinin azaldılması 2015-ci il dövlət büdcəsinin icrasına təsir etmir. “Razıyam ki, gələn ilin dövlət büdcəsi sosial və investisiya büdcəsidir”, deyə Əhmədov bildirib. -02D-