![MTN narkotik qaçaqmalçılarının yeni bir dəstəsini zərərsizləşdirib](https://turan.az/resized/./turan-750-500-resize.webp)
MTN narkotik qaçaqmalçılarının yeni bir dəstəsini zərərsizləşdirib
Milli Təhlükəsizlik Nazirliyi İrandan Azərbaycana narkotik maddə daşıyan şəxsləri ifşa etməsi və 30 kq-a yaxın narkotik aşkar etməsi haqda açıqlama yayıb.
Azərbaycan vətəndaşları Hacıyev Tural Tahir oğlu, Məmmədov Qabil Sabir oğlu və onun oğlu Asiman Məmmədov saxlanılıblar. Adları çəkilən şəxslər hazırda şəxsiyyəti araşdırılan Əhəd adlı İran vətəndaşı ilə əlbir olaraq, satış məqsədilə ölkəyə 10 kiloqrama yaxın tiryək və 977,9 qram heroin keçiriblər.
Keçirilən əməliyyat tədbirləri nəticəsində İran vətəndaşı Arami Kiyomərs Hüseyn saxlanılıb, idarə etdiyi “Volvo” markalı maşından 15 kiloqram 162,86 qram həşiş dolu dəmir boru aşkarlanıb.
Nazirliyin həyata keçirdiyi daha bir əməliyyat tədbiri nəticəsində narkotiklərin qanunsuz daşınması ilə məşğul olan Azərbaycan vətəndaşları Ağahüseyn Mirzəyev, Samir Abdullayev, Elxan Kazımov, Kamran Əliyev, Rövşən Mehrəliyev və Cavanşir Əliyev, İran vətəndaşı Bani Reza Soltanəli Bairəməli saxlanılıblar.
Bütün faktlarla bağlı Azərbaycan Cinayət Məcəlləsinin 206.3.2-ci (qabaqcadan əlbir olan bir qrup şəxs tərəfindən narkotik vasitələrin qaçaqmalçılığı), 234.4.1-ci və 234.4.3-cü (qabaqcadan əlbir olan bir qrup şəxs tərəfindən külli miqdarda narkotik vasitələri əldə etmə, daşıma, saxlama və ya satma) maddələri ilə cinayət işləri başlanılıb. Adları çəkilən şəxslər barəsində məhkəmənin qərarları ilə həbs qətimkan tədbiri seçilib. İstintaq-əməliyyat tədbirləri davam edir. -05D-
-
- Cəmiyyət
- 27 Noyabr 2012 16:27
-
- İqtisadiyyat
- 27 Noyabr 2012 18:24
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz