Milli Təhlükəsizlik Nazirliyi (MTN) Suriyada döyüşmüş 10 Azərbaycan vətəndaşını həbs edib.
MTN-in İctimai Əlaqələr İdarəsindən verilən məlumata görə faktlarla bağlı Azərbaycan Respublikasının vətəndaşları - Mustafayev Elxan, Rəsulov Bəhruz, Əzizov Kamran, Əlixanov Nadir, Şahbazi Bəxtiyar, Şahbazi Bəhruz, Məhəmmədzadə Sadiq, Hacıyev Rahim, Sultani Vidadi və Aslanov Ramil təqsirləndirilən şəxs qismində cəlb olunaraq məhkəmənin qərarları ilə barələrində həbs qətimkan tədbiri seçilib.
Onlar barəsində MTN İstintaq Baş İdarəsi tərəfindən Cinayət Məcəlləsinin 12.1, 279.1-ci (Azərbaycan Respublikasının qanunvericiliyi ilə nəzərdə tutulmayan silahlı birləşmələr və ya qruplar yaratma, eləcə də onların yaradılmasında və fəaliyyətində iştirak etmə, onları silahla, döyüş sursatı ilə, partlayıcı maddələrlə, hərbi texnika ilə, yaxud əsgəri ləvazimatla təchiz etmə), 28, 283-1.3-cü və 283-1.3-cü (Azərbaycan Respublikası vətəndaşlarını və ya Azərbaycan Respublikasında daimi yaşayan vətəndaşlığı olmayan şəxsləri dini məhzəbləri yaymaq, dini ayinlərin icrası adı altında, yaxud dini düşmənçilik zəminində Azərbaycan Respublikasının hüdudlarından kənarda aparılan silahlı münaqişələrə cəlb etmə, yaxud bu məqsədlə döyüş təlimləri keçmə, yaxud həmin məqsədlə fəaliyyət göstərən sabit qrup yaratma və ya belə qrupa rəhbərlik etmə, eləcə də həmin qruplarda, təlimlərdə və ya silahlı münaqişələrdə iştirak etmə, yaxud bu ağır cinayətlərə hazırlıq) maddələri ilə cinayət işləri başlanılıb.
Müəyyən edilib ki, Elxan Mustafayev, Bəhruz Rəsulov, Kamran Əzizov, Nadir Əlixanov, Bəxtiyar Şahbazi və onun 1985-ci il təvəllüdlü oğlu Bəhruz Şahbazi, həmçinin Sadiq Məhəmmədzadə, Vidadi Sultani və Ramil Aslanov 2014-cü ildə qeyri-qanuni yolla Suriyaya gedərək, orada həmin ölkənin və Azərbaycan Respublikasının qanunvericilikləri ilə nəzərdə tutulmayan qanunsuz silahlı birləşmələrin tərkibində radikal dini və hərbi təlimlər keçiblər.
Təlimlərdən sonra onlar Suriya ərazisində həmin dövlətin və Azərbaycan Respublikasının qanunvericiliyi ilə nəzərdə tutulmayan silahlı birləşmələrin fəaliyyətlərində iştirak ediblər.
Cinayət işləri üzrə bütün halların araşdırılması, bu hüquqazidd əməllərin digər iştirakçılarının müəyyənləşdirilməsi istiqamətində istintaq-əməliyyat tədbirləri davam etdirilir. -16D-
Cəmiyyət
-
Dekabrın 10-da Beynəlxalq İnsan Hüquqları Günü qeyd olunacaq. Azərbaycanda belə bir gün ərəfəsində hüquq müdafiəçisi Rüfət Səfərov həbs olunub. Dekabrın 4-də Binəqədi rayon Məhkəməsində onun barəsində 4 aylıq həbs-qətimkan tədbiri seçilib. Rəsmi ittiham dələduzluq, xuliqanlıq və az ağır xəsarət yetirmə olsa da, R.Səfərov bu iddiaları qəbul etmir və həbsini öz hüquq müdafiə fəaliyyəti ilə əlaqələndirir.
-
Cümə günü paytaxtda və Abşeronda yağış yağacağı gözlənilir, axşama doğru intensiv olacaq. Şimal-qərb küləyi əsəcək. Havanın temperaturu gecə müsbət 5 +7, gündüz müsbət 8 + 11 dərəcə olacaq. Rütubət 80-85 faiz olacaq.
-
Gələn il dəfn üçün birdəfəlik sosial müavinətin 960 manat olması proqnozlaşdırılır. Bu, 2025-ci il üçün büdcə zərfində əksini tapıb. Lakin sözügedən müavinət hamıya şamil edilmir. Mövcud olan qaydalara görə, dəfn üçün müavinət sığortaolunan və ya əmək pensiyaçısı vəfat etdikdə məcburi dövlət sosial sığorta haqları hesabına verilir.
-
Cümə axşamı Bakıda və Abşeron yarımadasında hava şəraiti dəyişkən buludlu, əsasən yağmursuz olacaq. Axşam arabir yağış yağacağı gözlənilir. Şimal-qərb küləyi əsəcək. Havanın temperaturu gecə 5-8 dərəcə isti, gündüz 8-11 dərəcə isti olacaq. Nisbi rütubət 70-80 % olacaq.
Rəy yaz